ساراپشىنىڭ پىكىرىنشە, التىندى تەز تابىس كوزى رەتىندە قاراستىرۋ دۇرىس ەمەس.
«التىن پورتفەلدە, ەڭ الدىمەن, ساقتاندىرۋ قىزمەتىن اتقارادى. اسىرەسە ءدال قازىر, دوللار 550 تەڭگەگە جاقىنداپ تۇرعان كەزدە, التىن جوعارى تابىس اكەلەتىن قۇرال ەمەس, كاپيتالدى قورعاۋ ءتاسىلى بولىپ قالا بەرەدى. ول ۆاليۋتالىق تۇراقسىزدىق, ينفلياتسيا تاۋەكەلى, گەوساياسي بەلگىسىزدىك نەمەسە شيكىزات نارىعىنداعى قۇبىلمالى كەزەڭدەردە اكتيۆتەردى قورعاۋعا كومەكتەسەدى» دەيدى ر. دوسوۆ.
ونىڭ ايتۋىنشا, التىندى پورتفەلگە قىسقا مەرزىمدى پايدا ءۇشىن ەمەس, تۇراقتى تۇردە ەنگىزۋ قاجەت.
«التىن اكتيۆتەرى پورتفەلدىڭ تۇراقتى ەلەمەنتى بولۋى ءتيىس. ولار قۇنسىزدانۋعا جول بەرمەيدى ءارى كاپيتالدىڭ ساتىپ الۋ قابىلەتىن ساقتايدى. ءتىپتى باسقا قۇرالدار قۇنىن جوعالتقان ساتتە دە التىن تەڭگەرىمدى ۇستايدى. وپتيمالدى ۇلەس ينۆەستيتسيا مەرزىمىنە جانە تاۋەكەلگە توزىمدىلىككە بايلانىستى بولادى» دەپ تۇيىندەدى ساراپشى.
