ەرەكشە مانگە يە يدەيا

ەلباسى نۇرسۇلتان نازارباەۆتىڭ اتىنا قازاقستان حالقى اسسامبلەياسى كەڭەسىنىڭ قازاقستان رەسپۋبليكاسى پرەزيدەنتىنىڭ سايلاۋىن وتكىزۋ جونىندەگى باستاماسىنا بايلانىستى حاتتار مەن جەدەلحاتتار كەلىپ تۇسۋدە, دەپ حابارلادى پرەزيدەنتتىڭ ءباسپاسوز قىزمەتى. مەملەكەت باسشىسىنىڭ اتىنا ەل ازاماتتارى مەن ءتۇرلى ۇيىم­دار­دان باستاماعا قولداۋ بىلدىرگەن, قا­زاقستاننىڭ الەۋمەتتىك-ەكونو­مي­كالىق دامۋىن قامتاماسىز ەتۋ­گە باعىتتالعان باعدارىمىزدى تۇراق­تى جالعاستىرۋ ءۇشىن سايلاۋ ءوت­كىزۋدىڭ قاجەتتىلىگىن اتاپ كورسەتكەن حاتتار تولاسسىز كەلىپ تۇسۋدە. ەلدىڭ ەڭبەك ۇجىمدارىنان كوپ­تەپ كەلىپ جاتقان حاتتاردا مەم­لە­كەت باسشىسىنا قولداۋ ءبىلدى­رىلگەن. سوكولوۆ-سارىباي تاۋ-كەن بايىتۋ وندىرىستىك بىرلەستىگىنىڭ جۇ­مىسشىلارى سايلاۋ وتكىزۋ الەمدىك دامۋدىڭ جاڭا ساتىسىندا حالىقتى ودان سايىن ۇيىستىرا تۇسەتىنىنە جانە بارلىق قازاقستاندىقتاردى «نۇرلى جول» باعدارلاماسى مەن «قازاقستان-2050» ستراتەگياسىن جۇزەگە اسىرۋ ءۇشىن بىرىكتىرۋگە ىقپال ەتەتىنىنە سەنىم بىلدىرگەن. «بىرلەستىكتىڭ 20 مىڭ ادام­دىق ۇجىمى وتانىمىزدى ىلگە­رى­لەتۋگە جانە ورنىقتى دامى­تۋعا باعىتتالعان باستامالاردى ءار­دايىم قولداپ كەلەدى جانە قولداي بەرەتىن بولادى. ءبىز بۇگىنگىدەي كۇردەلى ۋاقىتتا ءسىزدىڭ ساياسي با­تىلدىعىڭىزدىڭ ارقاسىندا تاۋەلسىز قازاقستاننىڭ ءاربىر دامۋ كەزەڭى جەتىستىكتەردىڭ, كوپۇلتتى وتانىمىزدىڭ بىرلىگى مەن تۇراقتىلىعىن نىعايتۋدىڭ جىلدارىنا اينالعانىن ايقىن سەزىنىپ وتىرمىز. قازاقستان سىزبەن بىرگە ءمىن­دەتتى تۇردە تابىسقا جەتىپ, الەم­دەگى ەكونوميكاسى دامىعان 30 مەم­لە­كەتتىڭ قاتارىنا كىرەتىن بولا­دى», – دەلىنگەن حاتتا. «قازاقستان تەمىر جولى»  ۇك»  اق قىزمەتكەرلەرى مەن اردا­گەرلەرىنىڭ اشىق حاتىندا الەمدەگى كۇردەلى قارجى-ەكونوميكالىق احۋال جاعدايىندا ءبىزدىڭ ەلىمىزدە دا­مۋ­دىڭ داعدارىسقا قارسى ايقىن جوس­پارى – «نۇرلى جول» جاڭا ەكو­نوميكالىق ساياساتى بار ەكەنى اتاپ كورسەتىلگەن. «پرەزيدەنت سايلاۋىن وتكى­زۋ «نۇرلى جول» اتالعان قازاق­ستان حالقىنا جولداۋدى, يندۋس­تريا­لىق-يننوۆاتسيالىق دامۋ باعدار­لاماسىن تابىستى جۇزەگە اسىرۋ­دىڭ, تۇپكى ناتيجەدە قازاق­ستان­داعى ءاربىر وتباسىنىڭ ءال-اۋقاتىن ارتتىرۋدىڭ كەپىلى بولادى دەپ سانايمىز», – دەلىنگەن قازاقستان تەمىرجولشىلارىنىڭ حاتىندا. «قازمىرىش» كومپانيالار توبى مەن مەردىگەرلىك ۇيىم­دارى­نىڭ مىڭ­داعان ادامى بار كوپەت­نوستى ۇجى­مىنان كەلگەن حاتتا قا­زاقستاندىقتار ەلباسىنىڭ باسشى­لىعىمەن ەرتەڭگى كۇنگە, تۇراقتى جۇمىسقا, تاتۋلىق پەن كەلىسىمدە ءومىر ءسۇرۋ مۇمكىندىگىنە دەگەن سەنىمگە يە بولعاندارىنا نازار اۋدارىلعان. «مەتاللۋرگيالىق پەشتىڭ جانىن­دا شىڭدالعان ءبىزدىڭ پرەزيدەنت ءبۇ­گىن­گى جۇمىسشى قالاي ءومىر سۇرەتىنىن, قارا­پايىم قازاقستاندىققا نە كە­رە­گىن جاقسى بىلەدى. بىزگە مەملەكەت با­سىندا «نۇرلى جول» باعدار­لاما­سىن, «قازاقستان-2050» ۇزاق مەرزىم­دى ستراتەگياسىن ورىنداۋعا باسشى­لىق جا­ساۋدى جالعاستىراتىن كوشباس­شى­نىڭ قالعانى قاجەت. ەلباسىمەن بىرگە ءبىز­گە ەشقانداي قيىندىق قورقى­نىشتى ەمەس», – دەپ جازادى اۆتورلار. ال «قازحروم» ترانسۇلتتىق كومپانياسى» اق جۇمىسشىلارى ەل بىرلىگىنە, وركەندەۋى مەن يگىلىگىنە باعىتتالعان جۇمىستى جالعاستىرۋ ءۇشىن مەملەكەت باسشىسىنا جالپىۇلتتىق سەنىمنىڭ جاڭا مانداتىن بەرۋدىڭ قاجەتتىگى تۋرالى ۇسىنىستى قولداۋ وزدەرىنىڭ ازاماتتىق پارىزى ەكەنىن حابارلايدى. «ەڭ قيىن ۋاقىتتاردا ءبىز جاس مەملەكەتىمىزدىڭ ەكونوميكاسى مەن ونەركاسىبىن قالىپتاستىرۋدىڭ كۇردەلى كەزەڭىن ءسىزدىڭ باسشىلىعىڭىزبەن وتكەردىك. ءسىز بىزگە تاتۋلىقتى, كەلىسىم مەن ەكونوميكالىق تۇراقتىلىقتى ساقتاۋ جونىندەگى ايقىن ماقساتتار مەن مىندەتتەردى بەلگىلەپ بەردىڭىز. ءسىز بىردە: «ەگەر كەمە قاي پورتقا باراتىنىن بىلمەسە, وعان ەشقانداي جەل سەرىك بولمايدى» دەگەن ەدىڭىز. ءبىز سىزبەن قايدا باراتىنىمىزدى بىلەمىز. ەڭ باستىسى, سول ماقساتقا ءبىز بىرگە بارا جاتىرمىز», – دەلىنگەن حاتتا. پرەزيدەنتتىك سايلاۋدى بيىل وتكىزۋ حالىققا, سونداي-اق, بارلىق اتقارۋشى جانە وكىلدى بيلىك ورگاندارىنا بەلگىلەنگەن مىندەتتەردى جۇزەگە اسىرۋ ىسىنە جۇمىلۋعا مۇمكىندىك بەرەتىنىن اتاپ وتكەن «قازاقستان ءاليۋمينيى» اق ەڭبەك ۇجىمىنىڭ مۇشەلەرى دە باس­تامانى قولدايتىندارىن مالىمدەدى. «ءبىز وركەندەۋ مەن تۇراقتىلىقتى, بالالارىمىز بەن نەمەرەلەرىمىزدىڭ جارقىن بولاشاعىن قالايمىز, 2015 جىلى ەل پرەزيدەنتىن سايلاۋ­دى ءوت­كىزۋدى قولدايمىز. ءبىزدىڭ تاڭداۋىمىز – قۋاتتى قازاقستاننىڭ قۋاتتى كوش­باس­شىنىڭ بولۋى», – دەلىنگەن حاتتا. «زەنيت» ورال زاۋىتى» اق جۇ­مىسكەرلەرى مەن ينجەنەرلىك-تەح­ني­كالىق پەرسونالى قازاقستان پرە­زيدەنتىنىڭ دۇرىس ستراتەگيالىق شەشىم قابىلداۋىنىڭ جانە ولاردى جۇزەگە اسىرۋ جاۋاپكەرشىلىگىن وزىنە جۇكتەۋ قابىلەتىنىڭ ارقاسىندا تاۋەلسىزدىك جىلدارىندا ەل ەكونوميكاسىن تابىس­تى رەفورمالاۋعا قول جەتكىزىلگەنىن اتاپ وتكەن. «بۇكىل قازاقستان حالقىنىڭ ءمۇد­دەسىن قورعاۋعا باعىتتالعان ءسىز­دىڭ ساياساتىڭىز عانا ەلدى دامۋ­دىڭ جاڭا ساتىسىنا شىعارۋعا, قازاق­ستان­نىڭ الەمدەگى بارىنشا قۋاتتى مەم­لە­كەتتەردىڭ قاتارىنا كىرۋ جونىندەگى مىندەتىن ءتيىمدى شەشۋگە قابىلەتتى. ءبىز ءبارىمىز وتانىمىز قارقىندى دامۋى ءۇشىن ءسىزدىڭ, ەلباسىنىڭ اينالاسىندا توپتاساتىنىمىزعا سەندىرەمىز. زاماننىڭ كەز كەلگەن سىن-قاتەرىن بىرگە ەڭسەرە الامىز», – دەپ جازادى اۆتورلار. «پەتروپاۆل اۋىر ماشينا جاساۋ زاۋىتى» اق ۇجىمى دا پرەزيدەنت سايلاۋىن وتكىزۋدى قولدايدى جانە مەملەكەت باسشىسىنىڭ ءوز كانديداتۋراسىن ۇسىنۋىن ءوتىندى. «ءبىز ءوزىمىزدىڭ قازىرگى باق-بەرە­كەمىزدى جانە بولاشاققا زور جوسپار قۇرۋ مۇمكىندىگىمىزدى تەك سىزبەن بايلانىستىرامىز. ءبىز ءسىزدىڭ مەتاللۋرگ رەتىندە جۇمىسشى تاپتى بارىنەن ارتىق تۇسىنەتىنىڭىزگە سەنىمدىمىز», – دەلىنگەن حاتتا. «قازتەڭىزترانسفلوت» ۇلتتىق تەڭىز كولىك كومپانياسى» جشس جۇ­مىس­شىلارى الەمدىك ەكونوميكالىق داع­دارىستىڭ بەلەڭ الىپ كەلە جاتقانىن ءجا­نە كۇردەلى حالىقارالىق احۋالدى ەسكەرە وتىرىپ, سايلاۋ وتكىزۋ ماسە­لەسىن دەر كەزىندەگى شەشىم دەپ اتادى. «ءبىز كورشىلەس مەملەكەتتەردە نە بولىپ جاتقانىن جاقسى بىلەمىز. وكىنىشكە قاراي, بۇگىندە الەم مازاسىز. سوندىقتان سىزدەن قازاقستان حالقى اسسامبلەياسىنىڭ 2015 جىلى سايلاۋ وتكىزۋ باستاماسىن قولداۋدى سۇرايمىز», – دەپ جازادى اۆتورلار. «زەنچەنكو جانە كومپانيا» كوم­مان­ديتتىك سەرىكتەستىگىنىڭ باس ديرەكتورى گ.زەنچەنكو ءبىزدىڭ ەلىمىز نۇرسۇلتان نازارباەۆتىڭ باسشىلىعىمەن عالامات جەتىستىكتەرگە جەتكەنىن جانە بۇگىندە قازاقستاندى بۇكىل الەم قۋاتتى ءارى وركەندەۋشى مەملەكەت رەتىندە تانىپ, قۇرمەتتەيتىنىن اتاپ وتكەن. «كەڭەس وداعى كۇيرەگەن سوڭ اۋىل شارۋاشىلىعىن دامىتۋ قانداي قيىن بولعانى ەسىمدە. شىنىن ايتقاندا, ءبىز وزدىگىمىزبەن جۇمىس ىستەي الاتى­نى­مىزعا, بىزگە جەر بەرەتىنىنە سەنگەن جوقپىز. ءسىزدىڭ «قيىن كۇندەر وتەدى, قازاقستان ءبارىمىز «مەن قازاق­ستاندىقپىن!» دەپ ماقتانىشپەن ايتاتىنداي ەلگە اينالادى» دەگەن سوزدەرىڭىز جادىمدا. بۇگىندە سونىڭ ءبارى ورىندالدى», – دەلىنگەن حاتتا. قىزىلوردا قالاسىنان «ابزال جانە ك» تولىق سەرىكتەستىگىنىڭ جۇ­مىس­شىلارى بۇگىندە الەمدىك ەكونوميكادا بايقالىپ وتىرعان داعدارىستىق قۇبىلىستار ءبىزدىڭ ەلىمىزدە ەڭبەك ادامىنا جاسالىپ وتىرعان قامقورلىقتىڭ باعاسىن سەزدىرەتىنىنە توقتالعان. «بارلىق قازاقستاندىقتار سياقتى ءبىزدىڭ ۇجىم دا ءوز بولاشاعىن تەك سىزبەن بايلانىستىرادى. سوندىقتان قازاقستان حالقى اسسامبلەياسىنىڭ ۇسىنىسىن ەسكەرۋدى, سونداي-اق, پرە­زيدەنت سايلاۋىنا قاتىسۋدى سۇرايمىز. ءبىز ءوز كەزەگىمىزدە ءسىزدىڭ اينالاڭىزدا توپتاسۋعا ءازىرمىز», – دەلىنگەن حاتتا. وسى ۇندەۋگە شىمكەنتتەگى «دانا فيرماسى» جشس قىزمەتكەرلەرى مەن اتىراۋ وبلىسىنداعى جۇمىسشى-مۇنايشىلار دا قوسىلادى. «قارقىن اگف» جشس ۇجىمى مەن قوستاناي وبلىسىنىڭ حاركوۆسكوە اۋىلىنىڭ تۇرعىندارى, سونداي-اق, ءوڭىردىڭ بارلىق اۋىل شارۋاشىلىعى قۇرىلىمدارى جاسامپاز ساياسات پەن «نۇرلى جول» باعدارلاماسى ايا­سىن­داعى جاڭا باستامالاردى جالعاس­تى­رۋدىڭ ماڭىزدىلىعىنا توقتالعان. «بىلسەڭىز, پرەزيدەنتتىك سايلاۋدى وتكىزۋ تۋرالى باستاما حالىقتىڭ شىنايى سەزىمىنەن, اشىق نيەتىنەن تۋىنداپ وتىر. قوستاناي ءوڭىرىنىڭ ەڭبەكقور تۇرعىندارى ءسىزدى قولداۋعا ءاردايىم دايىن», – دەپ جازادى اۆتورلار. قىزىلوردا وبلىسىنداعى «ارال» سەرۆيستىك-دايىنداۋ ورتالىعىنىڭ ۇجىمى ءوڭىردى دامىتۋ جانە كىشى ارالدى ساقتاۋ ماسەلەلەرىنە كوڭىل ءبولىپ وتىرعانى ءۇشىن العىس بىلدىرە وتىرىپ, پرەزيدەنتتىك سايلاۋ وتكىزۋ تۋرالى باستامانى قولدايتىندىقتارىن اتاپ كورسەتكەن. «ءبىز ءسىزدىڭ وسى ۇسىنىستى ەس­كە­رەتىنىڭىزگە جانە ءوزىڭىز باستاعان اۋ­قىمدى جوبالاردى جالعاستىرۋعا كەلى­سەتىنىڭىزگە سەنەمىز», – دەلىنگەن حاتتا. سونىمەن قاتار, مەملەكەت باسشىسىنا قولداۋ بىلدىرگەن حاتتار قوعامدىق بىرلەستىكتەر مەن ءبىلىم بەرۋ مەكەمەلەرىنەن دە كەلدى. اتاپ ايتقاندا, سولتۇستىك قا­زاق­ستان وبلىسىنىڭ ازاماتتىق اليان­سى نۇرسۇلتان نازارباەۆتىڭ باعى­تىن قولداۋ ءۇشىن بار كۇشتەرىن جۇمىل­دىرۋعا, مەملەكەتتىك باعدارلامالاردى جۇزەگە اسىرۋعا بەلسەنە قاتىسۋعا جانە قازاقستاندى دامىتۋعا ءوز ۇلەستەرىن قوسۋعا دايىن ەكەندىكتەرىن ءبىلدىردى. «ءبىز ءسىزدى ءبىر اۋىزدان قولدايمىز جانە ەلدەگى بارلىق ازاماتتىق جانە پاتريوتتىق كۇشتەردى قازاقستان رەسپۋبليكاسى پرەزيدەنتىنىڭ سايلاۋىن وتكىزۋدى جاقتاۋعا شاقىرامىز», – دەلىنگەن حاتتا. ولاردى ءتۇر­كىس­تان قالاسىنداعى ق.ا.ياساۋي اتىن­داعى حالىقارالىق قازاق-تۇرىك ۋنيۆەر­سيتەتىنىڭ قىزمەتكەرلەرى, وقىتۋشى-پروفەسسورلار قۇرامى قوستايدى. وڭتۇستىك قازاقستان وبلىسىنىڭ زيالى قاۋىم وكىلدەرى پرەزيدەنتتىك سايلاۋ وتكىزۋ ءبىزدىڭ كوپەتنوستى جانە كوپكونفەسسيالى مەملەكەتىمىزدىڭ ودان ءارى دامۋى اياسىندا ايرىقشا مانگە يە بولاتىنىنا سەنىمدى ەكەندەرىن ايتقان. قىزىلوردا وبلىسى «III ين­تەر­ناتسيونال» اۋىلىنىڭ تۇرعىندارى مەملەكەت باسشىسىنا وسى ەلدى مەكەندە تۇراتىن 19 ەتنوستىڭ اتىنان  حات جازعان. «ءبىز ءسىزدىڭ كوپۇلتتى حالقىمىزدىڭ  بىرلىگى مەن كەلىسىمىن نىعايتۋعا با­عىتتالعان قىزمەتىڭىزدى ارقاشان قول­­دادىق جانە قولداي بەرەمىز. پرەزي­دەنتتىك سايلاۋدى وتكىزۋ تۋرالى باستا­ماعا قوسىلا وتىرىپ, سىزدەن وسى ۇسى­نىستى قولداۋدى جانە سايلاۋعا قاتىسۋىڭىزدى سۇرايمىز», – دەپ جازادى اۆتورلار. قازاقستان حالقى اسسامبلەياسى كەڭەسىنىڭ ەل پرەزيدەنتىن سايلاۋدى وتكىزۋ جونىندەگى باستاماسىنا بايلانىستى حاتتار مەملەكەت باسشىسىنىڭ اتىنا تولاسسىز كەلىپ تۇسۋدە.