جارىس بىرنەشە سانات بويىنشا وتكىزىلدى:
-
Elite – 1,5 كم ءجۇزۋ + 40 كم ۆەلوەتاپ + 10 كم جۇگىرۋ;
-
Junior – 750 م ءجۇزۋ + 20 كم ۆەلوەتاپ + 5 كم جۇگىرۋ;
-
Age Group – ستاندارتتى قاشىقتىق.
جەڭىمپازدار مەن جۇلدەگەرلەر
-
Elite Men: التىن مەن قولا رەسەي سپورتشىلارىنا بۇيىرسا, كۇمىس جۇلدەنى قازاقستاندىق دارىن قونىسباەۆ جەڭىپ الدى.
-
Elite Women: رەسەيدەن تاتيانا باسكاكوۆا چەمپيون اتاندى. جاپونيالىق مينوري يكەنو كۇمىس, بەلارۋس وكىلى الينا سينەۆيچ قولا جۇلدە يەلەندى.
-
Junior Men: تۇعىردىڭ ءۇش ورنىن دا قازاقستاندىقتار باعىندىردى. ءبىرىنشى ورىن – ەلمۋرات قاناي, ەكىنشى – ارسەني شەۆچەنكو, ءۇشىنشى – نيكيتا دۋبوۆيتسكي.
-
Junior Women: التىندى ايدا كيم (قازاقستان) جەڭىپ السا, كۇمىس قىرعىزستاندىق رالينا ارتىقحودجاەۆاعا بۇيىردى. ءۇشىنشى ورىنعا تاعى ءبىر قازاقستاندىق سپورتشى رامينا اگاباەۆا كوتەرىلدى.
جارىس بارىسىندا قازاقستاندىق اتلەتتەر جوعارى دەڭگەيدە ونەر كورسەتىپ, وليمپيادا رەيتينگىندە ۇپاي جيناۋ مۇمكىندىگىن ارتتىردى.
سونىمەن قاتار, Age Group ساناتىندا ەلىمىزدىڭ 93 سپورتشىسى مەن ءبىر كومانداسى باق سىنادى. ەڭ جاس قاتىسۋشى – 2007 جىلى تۋعان ءجاسوسپىرىم بولسا, ەڭ تاجىريبەلى سپورتشى – 1964 جىلعى ترياتلەت.
جارىسقا اتى اڭىزعا اينالعان سپورتشى, التى دۇركىن Ironman الەم چەمپيونى مارك اللەن ارنايى كەلىپ, قاتىسۋشىلارعا ساتتىلىك تىلەپ, شابىت بەردى.
