اۋقىمدى جارىس بيىل 14-ءشى رەت وتكىزىلىپ, كاسىپقويلار مەن اۋەسقويلاردى 10-نان 42,2 شاقىرىمعا دەيىنگى قاشىقتىقتا جارىس جولىنا ءتۇستى.
جىل وتكەن سايىن Almaty Marathon اۋقىمى كەڭەيىپ كەلەدى.
مىسالى, 2012 جىلى العاشقى سايىسقا بىرنەشە مىڭ ادام عانا قاتىسسا, بۇگىندە الەمنىڭ 60-تان استام ەلىنەن 16 مىڭ قاتىسۋشى كەلدى. بۇل مارافون تاريحىنداعى ەڭ جوعارعى كورسەتكىشتەردىڭ ءبىرى.
سونىمەن جايماشۋاق الماتى تاڭسارىدەن مەرەكەلىك احۋال ورناپ, كوڭىلدى مۋزىكا, سپورتشىلاردىڭ جارقىن كۇلكىسى مەن جۇزدەگەن ەرىكتىنىڭ قولداۋى ەرەكشە كوڭىل-كۇي سىيلايدى.
«مەن Almaty Marathon-عا العاش رەت قاتىسىپ, ءوزىمنىڭ توزىمدىلىگىمدى تەكسەرىپ, ءوزىمدى سىناپ كورگىم كەلدى. 10 شاقىرىم قاشىقتىقتى تاڭدادىم»,- دەيدى ءالىمۇرات بەگەنوۆ.
«مەن بىرنەشە اپتا بۇرىن عانا جۇگىرە باستادىم. مەن دە ءوزىمدى سىناپ, كەدەرگىلەردى جەڭۋگە بەل بۋدىم. بۇگىن كوشە بويىمەن 10 شاقىرىم جۇگىرەمىن. مەن جۇگىرۋ كلۋبىندامىن جانە مەنىڭ جانىمدا كوپتەگەن ارىپتەسىم مەن دوسىم بار. بارلىعىنا ساتتىلىك تىلەيمىن!»,- دەدى بلوگەر نيكيتا تسىگانكوۆ.
«مەن ءۇشىن بۇل ەكىنشى مارافون. بىلتىر ءبىرىنشى رەت قاتىسىپ كورگەنمىن. سالاۋاتتى ءومىر سالتىن ۇستانامىن, دارىگەر بولىپ جۇمىس ىستەيمىن, ال مارافونعا دوسىممەن بىرگە كەلدىم», - دەيدى دينا كارىباەۆا.
اlatau aqparat مەديا حولدينگىنىڭ «ۆەچەرني الماتى» گازەتىنىڭ ءجۋرناليسى ايگۇل كولۋمبەتوۆا ەكىنشى رەت 10 شاقىرىم قاشىقتىققا شىقتى. ول تاعى دا حولدينگتىڭ سپورتتىق جەتىستىكتەرىنىڭ قورجىنىنا مەدال الىپ, مارافونعا قاتىسۋ ونىڭ ءداستۇرى مەن شابىت كوزى بولعانىن اتاپ ءوتتى.
«مەن ءۇشىن مارافونعا قاتىسۋ بۇل جاي عانا سپورت ەمەس. وتكەن جىلى مەن ءبىرىنشى رەت قاتىسىپ, ءوزىمدى سىناپ كوردىم. ال بۇگىن قاتارىنان ەكىنشى رەت سايىسقا شىعىپ, مەدالمەن قايتا ورالدىم. بۇل ءارى قاراي جۇگىرۋگە شابىت بەرەدى »,- دەدى ايگۇل كولۋمبەتوۆا.
قازاقستاندىقتارمەن قاتار شەتەلدىك جۇگىرۋشىلەر دە جارىسقا شىقتى. ولاردىڭ اراسىندا فيليپپيندىك دجونا فلوريدا بار.
«مىڭداعان اداممەن بىرگە جۇگىرۋ كەرەمەت سەزىم. اتموسفەرا شابىتتاندىرادى جانە كورەرمەندەردىڭ قولداۋى ءار شاقىرىمدى ەرەكشە ەتەدى. ماعان الماتى قاتتى ۇنادى. مەن مۇندا تاعى ءبىر رەت كەلۋدى جوسپارلاپ وتىرمىن. مەن وسى مارافوننىڭ ءبىر بولىگى بولعانىما قۋانىشتىمىن».
ۇيىمداستىرۋشىلار مەديتسينالىق قولداۋعا ەرەكشە نازار اۋداردى. باعىت بويىنشا 13 مەديتسينالىق پۋنكت جۇمىس ىستەيدى, 12 جەدەل جاردەم كولىگى, 10 ۆەلودوكتور جانە 90-عا جۋىق مەديتسينالىق ەرىكتىلەر كەزەكشىلىك ەتەدى. مۇنىڭ ءبارى قاجەت بولۋى مۇمكىن كەز كەلگەن ادامعا كومەك كورسەتۋگە مۇمكىندىك بەرەدى.
جول بويىنداعى كورەرمەندەر جارىسۇا قيقۋ قوسىپ, جۇگىرۋشىلەرگە مارشرۋتتى جەڭىل باعىندىرۋعا قۇلشىندىرادى.
Almaty Marathon-2025 بۇل جاي عانا سپورتتىق جارىس ەمەس, سالاۋاتتى جانە بەلسەندى ءومىر سالتىنا قالىپتاستىرۋدا مىڭداعان ادامدى بىرىكتىرەتىن ەرەكشە وقيعا ەكەنىن تاعى دا دالەلدەدى. سونىمەن قاتار, مارافون ونداعان ەلدەن سپورتشىلار مەن اۋەسقويلاردى جيناپ, الماتىنىڭ ءوڭىردىڭ مارافون ورتالىعى رەتىندەگى پوزيتسياسىن نىعايتۋدا. مەگاپوليس ورتالىق ازياداعى ەڭ ءىرى جۇگىرۋ ورتالىعى مارتەبەسىن تاعى دا راستادى.
