بۇگىن استانا قالاسىندا «ەڭبەك ادامى – ەل ماقتانىشى» اتتى رەسپۋبليكالىق فورۋم ءوتتى. فورۋم جۇمىسىنا قر پرەمەر-ءمينيسترى ولجاس بەكتەنوۆ قاتىستى. ءىس-شارا اياسىندا مەملەكەت باسشىسى قاسىم-جومارت توقاەۆ جاريالاعان جۇمىسشى ماماندىقتار جىلىنا ارنالعان كونكۋرستىڭ جەڭىمپازدارى سالتاناتتى تۇردە ماراپاتتالدى.
بايقاۋ «مەديا دامىتۋ قورى» كورپوراتيۆتىك قورىنىڭ باستاماسىمەن, قر مادەنيەت جانە اقپارات مينيسترلىگى مەن قر ەڭبەك جانە حالىقتى الەۋمەتتىك قورعاۋ مينيسترلىگىنىڭ قولداۋىمەن ۇيىمداستىرىلدى. بايقاۋدىڭ باستى ماقساتى – قوعامدا جۇمىسشى ماماندىقتارىنىڭ مارتەبەسىن كوتەرۋ, ەڭبەكقورلىق پەن كاسىبيلىك قۇندىلىقتارىن دارىپتەۋ, سونداي-اق ادال ەڭبەگىمەن ەلگە ۇلگى بولعان ازاماتتاردىڭ شىنايى ومىرلىك وقيعالارىن كەڭىنەن ناسيحاتتاۋ.
2025 جىلعى 1 تامىز بەن 15 قىركۇيەك ارالىعىندا كونكۋرسقا جۋرناليستەردەن, بلوگەرلەردەن, فوتوگرافتاردان, ۆيدەوگرافتاردان, باق رەداكتسيالارىنان, كوللەدجدەردەن, ساياسي پارتيالاردان جانە وزگە دە ۇيىمداردان 200-دەن استام ءوتىنىم قابىلداندى.
قازىلار القاسى بايقاۋ جەڭىمپازدارىن بەس نوميناتسيا بويىنشا انىقتادى:
«ەڭبەك ديناستياسىنىڭ جەتىستىك تاريحى» اتتى ۇزدىك پۋبليتسيستيكالىق ماقالا:
I ورىن – شاحتادا شىڭدالعان وتباسى تۋرالى ماقالا, ارۋجان تلەۋبەك, كاراۆان مەدياپورتالى, الماتى ق.
II ورىن – اتىراۋلىق ديناستيانىڭ تاريحى تۋرالى ماقالا, جانات شاياحمەتوۆا, Atyrau press, اتىراۋ ق.
III ورىن – قۇرمانتەگى شەبەرحاناسى تۋرالى ماقالا, قاينىش بۇحارباي, «يندۋستريالنايا كاراگاندا» وبلىستىق قوعامدىق-ساياسي گازەتى, قاراعاندى ق.
«ەڭبەك ادامىمەن سۇحبات» اتتى ۇزدىك راديو سۇحبات:
I ورىن – مال شارۋاسى شەبەرىمەن سۇحبات, سالتانات ساديبەكوۆا, Qazaq radiosy, استانا ق.
II ورىن – بايلانىس تەحنيگىمەن سۇحبات, رومان بۋركاشەۆ, Yasawi FM ديدجيتال-راديوسى, تۇركىستان ق.
III ورىن – «چەلوۆەك ترۋدا» راديوسۇحباتى, ولگا اسحوجينا, «Jibek Joly» راديوسى, استانا ق.
«ەڭبەك ادامىنىڭ پورترەتى» اتتى ۇزدىك بەينەروليك:
I ورىن – فرەزەرلەۋشى تۋرالى بەينەروليك, ۋلان سىدىكوۆ, اقتوبە
II ورىن – مەتاللۋرگ تۋرالى بەينەروليك, نۇرتولەۋ ەكىباي, Saryarqa Aqparat مەديا حولدينگى, قاراعاندى ق.
III ورىن – حيميالىق تالداۋ زەرتحاناشىسى تۋرالى بەينەروليك, بازارگۋل مىرزاتاەۆا, اقتاۋ ق.
«ەڭبەكقورلىق پەن كاسىپقويلىق قۇندىلىقتارىن ناسيحاتتاۋ» اتتى ۇزدىك تەلەسيۋجەت:
I ورىن – اسكەري ۇشاق ينجەنەرى تۋرالى تەلەسيۋجەت, نازگۇل پاحمانوۆا, «حابار» اگەنتتىگى» اق, استانا ق.
II ورىن – ۆودولاز تۋرالى تەلەسيۋجەت, ۆيكتوريا كۋشەرباەۆا, «قازاقستان» رترك» اكتسيونەرلىك قوعامى ماڭعىستاۋ وبلىستىق فيليالى, اقتاۋ ق.
III ورىن – «كاسىپ ءتۇبى – ءناسىپ» تەلەسيۋجەتى, نۇرتالاپ شاراپادين, «Ulytau» وبلىستىق تەلەراديوكومپانياسى, جەزقازعان ق.
«شەبەردىڭ ءبىر كۇنى» اتتى ۇزدىك فوتورەپورتاج:
I ورىن – «شويىن بالقىتقان – مۇستافا», مەيىربەك تاجكۋرانوۆ, «جايىق پرەسس» جشس, ورال ق.
II ورىن – «81 جاستاعى كاسىپكەر اجە سۇيىكتى ىسىمەن اينالىسۋدا», سالتانات جاكۋپوۆا, Elorda info جەلىلىك باسىلىمى, استانا ق.
III ورىن – «زولوتوە پراۆيلو ۋۆاروۆا», ميحايل ميتروشەنكوۆ, فوتوگراف, پاۆلودار ق.
قازىلار القاسى مۇشەلەرى جىبەرىلگەن بارلىق وتىنىمدەردى بەكىتىلگەن بايقاۋ ەرەجەسىنە سايكەس باعالادى. قازىلار القاسى قۇرامىنا بەلگىلى جۋرناليستەر, فوتوگرافتار, مەدياسالا وكىلدەرى, سونداي-اق ەڭبەك ساياساتى مەن بىلىكتىلىك سالاسىنداعى ساراپشىلار كىردى: ماكسيم روجين- قر پارلامەنتى ءماجىلىسىنىڭ دەپۋتاتى, الىشەر مۇقاجان - قر مادەنيەت جانە اقپارات مينيسترلىگىنىڭ اقپارات كوميتەتى توراعاسى, لياززات احمۋرزينا - «KAZENERGY» قاۋىمداستىعىنىڭ اتقارۋشى ديرەكتورى, گازيزا رايمبەك - جۋرناليست, تەلەجۇرگىزۋشى, پروديۋسەر, ليازات شوناەۆا - قر «اتامەكەن» ۇقپ ادامي كاپيتالدى دامىتۋ دەپارتامەنتى ديرەكتورىنىڭ ورىنباسارى, دۋلات ابيبۋللاەۆ - جۋرناليست, ساكەن دىلداحمەت - تاۋەلسىز ەكولوگيالىق شولۋشى, جابايى تابيعات فوتوگرافى, ايبەك تەميروۆ - «مەديا دامىتۋ قورى» كق باس ديرەكتورىنىڭ ورىنباسارى.
جەڭىمپازدارعا ارنايى سەرتيفيكاتتار مەن ەستەلىك سىيلىقتار تابىستالدى. بايقاۋدىڭ دەمەۋشىلەرى - «قازتسينك» جشس جانە «مەديا دامىتۋ قورى» كورپوراتيۆتىك قورى.
