وسى باعىتتا قولعا الىنعان «QazElastoPlast» زاۋىتىنىڭ اشىلۋى – ءوڭىردىڭ وندىرىستىك الەۋەتىن ارتتىرۋعا باعىتتالعان ناقتى قادام. زاۋىت قازاقستاننىڭ اۆتووندىرۋشىلەرى ءۇشىن قاجەتتى اۆتوكومپونەنتتەر ءوندىرىسىن جولعا قويۋدى كوزدەيدى.
جوبانىڭ جالپى ينۆەستيتسيا كولەمى 600 ميلليون تەڭگەنى قۇرايدى. بۇل قاراجات زاماناۋي ەۋروپالىق قۇرال-جابدىقتاردى ساتىپ الۋعا, ءوندىرىس تەحنولوگياسىن جەتىلدىرۋگە جانە جوعارى ساپالى ءونىم شىعاراتىن ءوندىرىس جەلىسىن ىسكە قوسۋعا باعىتتالدى.
كاسىپورىن جىلىنا 150 مىڭ جيىنتىق اۆتوپوليكتەر شىعارۋعا قاۋقارلى. بۇل كورسەتكىش ىشكى نارىقتاعى سۇرانىستى تولىقتاي قاناعاتتاندىرىپ, شەتەلدەن اكەلىنەتىن ونىمدەرگە تاۋەلدىلىكتى ايتارلىقتاي تومەندەتەدى.
بۇگىنگى تاڭدا زاۋىتتا 30 ادام تۇراقتى جۇمىسپەن قامتىلعان, بۇل – جەرگىلىكتى تۇرعىندار ءۇشىن ماڭىزدى الەۋمەتتىك قولداۋ. جۇمىسشىلاردىڭ ورتاشا ايلىق جالاقىسى 250 مىڭ تەڭگەنى قۇرايدى. بولاشاقتا ءوندىرىس كولەمى ارتقان سايىن جاڭا جۇمىس ورىندارى اشىلىپ, قىزمەتكەرلەر سانى دا كوبەيمەك.
زاۋىتتا شىعارىلاتىن ءونىم تۇرلەرى اۆتوموبيل ونەركاسىبىنىڭ نەگىزگى قاجەتتىلىكتەرىن قامتيدى. تارقاتار بولساق, ءۇيىندى كىلەمدەر, ءتۇرلى ۇلگىدەگى اۆتوموبيل توسەنىشتەرى, شاشىراتقىشتار, تىعىزداعىش رەزەڭكە تاسپالار.
بۇل ونىمدەر قازاقستانداعى اۆتوكولىك قۇراستىراتىن زاۋىتتار ءۇشىن اسا قاجەت. بۇعان دەيىن مۇنداي بولشەكتەر نەگىزىنەن رەسەي, قىتاي جانە باسقا دا ەلدەردەن يمپورتتالاتىن. ەندى «QazElastoPlast» زاۋىتىنىڭ جۇمىسى ارقاسىندا وتاندىق اۆتوونەركاسىپ تولىققاندى جەرگىلىكتى ونىمگە سۇيەنىپ جۇمىس ىستەۋگە مۇمكىندىك الادى.
زاۋىتتىڭ اشىلۋى تەك وندىرىستىك سالاعا عانا ەمەس, الەۋمەتتىك باعىتقا دا وڭ اسەرىن تيگىزەدى. جاڭا جۇمىس ورىندارىنىڭ پايدا بولۋى – جەرگىلىكتى تۇرعىندار ءۇشىن تۇراقتى تابىس كوزى. سونىمەن قاتار, كاسىپورىننان تۇسەتىن سالىق تۇسىمدەرى اۋداندىق جانە وبلىستىق بيۋدجەتتەردىڭ كىرىسىن ارتتىرىپ, الەۋمەتتىك جوبالاردى قارجىلاندىرۋعا مۇمكىندىك بەرەدى.
جامبىل اۋدانىنىڭ اكىمى ءوز سوزىندە زاۋىتتىڭ اشىلۋى ءوڭىردىڭ ەكونوميكاسى ءۇشىن ۇلكەن جەتىستىك ەكەنىن اتاپ ءوتتى: «بۇل جوبا ءبىزدىڭ اۋداننىڭ وندىرىستىك الەۋەتىن ارتتىرىپ قانا قويماي, قازاقستانداعى اۆتوونەركاسىپتىڭ دامۋىنا جاڭا سەرپىن بەرەدى. مەملەكەت تاراپىنان كورسەتىلىپ وتىرعان قولداۋ ناتيجەسىندە وسىنداي زاماناۋي كاسىپورىندار ىسكە قوسىلىپ جاتىر. بۇل – يمپورتتى الماستىرۋ ساياساتىنىڭ ناقتى كورىنىسى», – دەدى ول.
«QazElastoPlast» زاۋىتى ءونىم ساپاسىنا ەرەكشە ءمان بەرەدى. ءوندىرىس پروتسەسىندە ەكولوگيالىق تالاپتارعا ساي جانە حالىقارالىق ستاندارتتارعا سايكەس كەلەتىن ماتەريالدار قولدانىلادى. زاۋىتتا ورناتىلعان زاماناۋي تەحنولوگيالار ءونىمنىڭ ۇزاق مەرزىمدىلىگىن, بەرىكتىگىن جانە قاۋىپسىزدىگىن قامتاماسىز ەتەدى.
كاسىپورىننىڭ ماماندارى ۇزدىكسىز وقىتۋدان ءوتىپ, ءوندىرىس تەحنولوگيالارىن جەتىلدىرۋمەن اينالىسادى. بولاشاقتا زاۋىتتىڭ عىلىمي-زەرتتەۋ ءبولىمى قۇرىلىپ, جاڭا ۇلگىدەگى اۆتوكومپونەنتتەردى ازىرلەۋ جوسپارلانۋدا.
ساراپشىلاردىڭ ايتۋىنشا, «QazElastoPlast» زاۋىتى قازاقستانداعى اۆتوكومپونەنتتەر ءوندىرىسىن جاڭا دەڭگەيگە كوتەرەدى. بۇل وتاندىق اۆتوونەركاسىپ ءۇشىن اسا ماڭىزدى, سەبەبى قوسالقى بولشەكتەردىڭ جەرگىلىكتى ءوندىرىسى اۆتوموبيل باعاسىن تومەندەتىپ, نارىقتاعى باسەكەگە قابىلەتتىلىكتى ارتتىرادى.
سونىمەن قاتار, بۇل جوبا ەلىمىزدىڭ يندۋستريالىق-يننوۆاتسيالىق دامۋ باعدارلاماسىنا تولىق سايكەس كەلەدى جانە وڭىرلىك ەكونوميكانى ارتاراپتاندىرۋعا ۇلەس قوسادى.
الماتى وبلىسى.
