مەرەيلى مەرەكەمەن نۇرلانعان قۋانىش

ناۋرىز قاراعاندى قالاسىنىڭ ءبىر توپ سوعىس ارداگەرلەرىنە, بالالار ۇيلەرىنىڭ بىرنەشە تۇلەكتەرى مەن كوپبالالى وتباسىلارعا ۇلكەن قۋانىش الا كەلدى. كوكتەمنىڭ وسى شۋاقتى كۇندەرىندەگى شاتتىققا بولەنۋشىلەر جاڭا پاتەرلەرگە قونىستانۋشىلار بولدى. شاھاردىڭ «شاحتەر» شاعىن اۋدانىندا « قول جەتىمدى باسپانا-2020» باعدارلاماسى بويىنشا سالىنعان تۇرعىن ءۇي ءدال مەرزىمىندە پايدالانۋعا بەرىلدى. – مەنىڭ, بالالارىمنىڭ بۇگىنگى قۋانىشىندا شەك جوق. ەلىمىزدە حالىقتىڭ باقىتتى تۇرمىسى ءۇشىن جاسالۋداعى جاقسىلىقتار شاپاعاتىن كورۋشىلەردىڭ ءبىرى ءبىز بولىپ تۇرمىز. وسىنداي قامقورلىققا ۇيىتقان تۇڭعىش پرەزيدەنتىمىز ن.ءا.نازارباەۆقا انالىق اق العىسىم شەكسىز, – دەدى وبلىس اكىمى ن.ابدىبەكوۆتىڭ قولىنان كىلت العان ايگۇل ءبىلالوۆا. ايماقتا تۇرعىن ءۇي قۇرىلىسىنىڭ بيىل دا قارقىندى جۇرگىزىلۋىنىڭ بۇل ءبىر دالەلى بولىپ, جىل باسىنان بەرى 50 مىڭ شارشى مەترى قونىستانۋشىلارعا ەسىك اشسا, الداعى ۋاقىتتا 260 مىڭ شارشى مەترى جانە بوي كوتەرگەلى تۇر. مۇنىڭ ءوزى 2 مىڭ 500 وتباسى پاتەرلى بولادى دەگەن ءسوز. ايقىن نەسىپباي, «ەگەمەن قازاقستان». قاراعاندى.