فوتو: gurk.kz
باعدارلاما جاڭا اۋىل شارۋاشىلىعى ماۋسىمىنا تياناقتى دايىندالۋعا, جانار-جاعارمايدى قولايلى باعامەن ساتىپ الۋعا, تىڭايتقىش الۋعا, تەحنيكانى جوندەۋدەن وتكىزۋگە جانە قاجەتتى تۇقىم قورىن جيناقتاۋعا جول اشادى.
«كەڭ دالا 2» شەڭبەرىندە جىلدىق 5% جەڭىلدەتىلگەن سىياقى مولشەرلەمەسى ۇسىنىلادى. وسى ورايدا, كەپىل م ۇلىك ماسەلەلەسىن شەشۋ ءۇشىن قارىز سوماسىنىڭ 85%-ىنا دەيىن «دامۋ» قورىنىڭ كەپىلدىگىمەن قامتۋ جوسپارلانعان.
اۋىل شارۋاشىلىعى مينيسترلىگىنىڭ مالىمەتىنشە, قارجىلاندىرۋ رەسپۋبليكا بويىنشا «اگرارلىق نەسيە كورپوراتسياسى» اق-نىڭ اۋقىمدى فيليالدىق جەلىسى جانە سەرىكتەس قارجى ينستيتۋتتارى ارقىلى جۇزەگە اسىرىلادى.
باعدارلامانى جۇزەگە اسىرۋ ءۇشىن 700 ملرد تەڭگە ءبولىنىپ, قازىردىڭ وزىندە 500 ملرد تەڭگەدەن استامى يگەرىلگەن.
«كەڭ دالا 2» باعدارلاماسىنا قاتىسۋعا ءوتىنىم بەرۋ ءۇشىن سالا وكىلدەرى «اگرارلىق نەسيە كورپوراتسياسى» اق-نىڭ ايماقتىق فيليالدارىنا جۇگىنە الادى. تولىق اقپاراتپەن Agrocredit.kz سايتىندا تانىسۋعا بولادى.
ايتا كەتەيىك, ەرتە قارجىلاندىرۋ تەتىگى 2024 جىلدىڭ قاراشا ايىنىڭ سوڭىندا ىسكە قوسىلىپ, شارۋالار تاراپىنان بىردەن جوعارى سۇرانىسقا يە بولعان.
