«مەملەكەت باسشىسى قاسىم-جومارت توقاەۆ ەڭبەك ادامىنىڭ ەل دامۋىنا قوسقان ۇلەسىن باعالاۋدىڭ ماڭىزدى ەكەنىن ۇنەمى اتاپ وتەدى. بۇعان دالەل – 2025 جىلدىڭ جۇمىسشى ماماندىقتار جىلى بولىپ جاريالانۋى. بۇل – كۇن سايىنعى ەڭبەگىمەن, جاۋاپكەرشىلىگىمەن, كاسىبىنە دەگەن سۇيىسپەنشىلىگىمەن ءومىرىمىزدى جاقسارتىپ, ەلىمىزدى نىعايتىپ جۇرگەن ادامدارعا كورسەتىلگەن قۇرمەت», دەدى گۇلبارام عيزاتقىزى.
«ەڭبەك جولى» بايقاۋىنا وبلىستىڭ 26 كاسىپورنىنان ەڭبەك اۋلەتتەرى, تالىمگەرلەر مەن جاس ماماندار قاتىستى. جەڭىمپازدار ءۇش اتالىم بويىنشا انىقتالدى.
بايقاۋ قورىتىندىسى بويىنشا رۋدنىي قالاسىنان سازونوۆتار اۋلەتى «ۇزدىك ەڭبەك اۋلەتى» اتالىمىن جەڭىپ الدى. سارىباي-سوكولوۆ تاۋ-كەن ءوندىرىسى بىرلەستىگىندە جۇمىس ىستەيتىن اتالعان اۋلەتتىڭ الدىڭعى, كەيىنگى بۋىن وكىلدەرىنىڭ جالپى ەڭبەك ءوتىلى – 225 جىل.
«جۇمىسشى جاستاردىڭ ۇزدىك تالىمگەرى» اتالىمى بويىنشا قوستاناي قالاسىنىڭ تۇرعىنى «قجەك» مكك وكىلى ريشات فاسحۋتدينوۆ جەڭىمپاز اتاندى. ال جىتىقارا قالاسىنان كەلگەن ەلەكترشى اسىلبەك ارىستانباەۆ ء «وندىرىستىڭ ۇزدىك جاس قىزمەتكەرى» نوميناتسياسىن جەڭىپ الدى.
«مەن ەلەكتر مونتەرى ماماندىعىن تاڭدادىم. جۇمىسىم جانىما جاقىن. بۇل ماماندىق قاشاندا سۇرانىسقا يە دەپ ويلايمىن, ويتكەنى ەلەكتر قۋاتى بارلىق جەردە بار. ونى ۇيدە دە, جۇمىستا دا, وندىرىستە دە پايدالانىپ وتىرمىز. سوندىقتان ەلەكتر مونتەرى – ادامداردىڭ قاۋىپسىزدىگىن قامتاماسىز ەتەتىن, ۇلكەن جاۋاپكەرشىلىكتى كەرەك ەتەتىن جۇمىس», دەيدى بايقاۋ جەڭىمپازى.
بيزنەستىڭ الەۋمەتتىك جاۋاپكەرشىلىگىن قولداۋ ماقساتىندا ۇيىمداستىرىلعان «پارىز» بايقاۋىنا 8 كاسىپورىن قاتىستى.
بايقاۋ ناتيجەسىندە قوستاناي اۋدانىندا جۇمىس ىستەپ جاتقان «بەلوزەر 2030» سەرىكتەستىگى «الەۋمەتتىك جاۋاپكەرشىلىگى ەڭ جوعارى كاسىپورىن» اتالىمىن جەڭىپ الدى. «ەڭبەكتى قورعاۋ سالاسىنداعى ۇزدىك كاسىپورىن» نوميناتسياسى بوريىنشا جىتىقارا اۋدانىنان كەلگەن «قوستاناي مينەرالدارى» اق جەڭىمپاز اتاندى. سونداي-اق, قوستاناي جىلۋ ەنەرگەتيكالىق كومپانياسى «ۇزدىك ۇجىمدىق شارت» اتالىمىنا يە بولدى. ال رۋدنىي قالاسىنداعى «سوكولوۆ-سارىباي تاۋ-كەن بايىتۋ وندىرىستىك بىرلەستىگى» اق «ەكولوگياعا قوسقان ۇلەسى ءۇشىن» نوميناتسياسىن جەڭىپ الدى.
بايقاۋ جەڭىمپازدارىنا ەستەلىك مۇسىنشەلەر مەن اقشالاي سىيلىقتار تابىس ەتىلدى.
قوستاناي وبلىسى
