بۇل سايىس پيلوتسىز اۆياتسيالىق جۇيەلەردى (پاج) جاۋىنگەرلىك جانە كاسىبي دايارلىقتا قولدانۋدى دامىتۋعا, ونى كيبەرسپورت ەلەمەنتتەرىمەن جانە جاڭا تەحنولوگيالارمەن ۇشتاستىرۋعا باعىتتالعان. سونىمەن قاتار, بولىمشەلەردىڭ تەحنيكالىق الەۋەتىن ارتتىرۋعا, مامانداردىڭ كاسىبي دەڭگەيىن كوتەرۋگە, ولاردىڭ تاجىريبە جانە ءبىلىم الماسۋىن قولداۋعا مۇمكىندىك بەرەدى.
جۇلدەلى ورىندار ءۇشىن مەملەكەتتىك كۇشتىك قۇرىلىمداردىڭ FPV-درون وپەراتورلارىنان قۇرالعان 14 كوماندا باق سىنايدى. تۋرنير باعدارلاماسى بىرنەشە جاتتىعۋدى قامتيتىن ەكى كەزەڭنەن تۇرادى.
ايتا كەتەيىك, كۇشتىك قۇرىلىمدار اراسىنداعى مۇنداي جارىس ەكىنشى رەت ۇيىمداستىرىلىپ وتىر. العاشقى تۋرنير 2025 جىلدىڭ ساۋىرىندە وتكەن بولاتىن. ونىڭ جەڭىمپازدارى قاتارىندا قر مەملەكەتتىك كۇزەت قىزمەتىنىڭ, قر ۇقك «ا» ارناۋلى ماقساتتاعى قىزمەتىنىڭ جانە راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ كوماندالارى بولعان ەدى.
