وندىرۋشىلەرمەن جانە ساۋدا نىساندارىمەن تياناقتالعان باعالار بويىنشا مىڭنان استام كەلىسىم-شارت جاسالدى. قازىر وڭىردە الەۋمەتتىك ماڭىزى بار ازىق-ت ۇلىك تاۋارلارىن نارىقتاعىدان تومەندەتىلگەن باعامەن ۇسىناتىن 39 ساۋدا نۇكتەسى جۇمىس ىستەيدى.
باعانى تۇراقتاندىرۋ جۇيەسى جىل سايىن قولدانىلادى. ونىڭ باستى ماقساتى – نارىقتاعى باعانىڭ كۇرت وزگەرۋىنىڭ الدىن الۋ جانە حالىقتى قولجەتىمدى باعادا نەگىزگى ازىق-ت ۇلىك ونىمدەرىمەن قامتاماسىز ەتۋ. قالا تۇرعىندارىنىڭ قاجەتتىلىگىن وتەۋ ماقساتىندا الدىن الا نەگىزگى كوكونىس تۇرلەرى دايىندالدى. 4 مىڭ توننادان استام كارتوپ, مىڭ تونناداي ءسابىز, مىڭ تونناعا جۋىق قىرىققابات جانە 800 تونناعا جۋىق پياز ازىرلەندى.
–وبلىس بويىنشا الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ ءوسۋىن تەجەۋ ماقساتىندا كۇن سايىن باعاعا مونيتورينگ جۇرگىزىلەدى, – دەيدى وبلىستىق كاسىپكەرلىك جانە ونەركاسىپ باسقارماسىنىڭ ءبولىم باسشىسى ءانۋار قالىمجانوۆ, – دۇكەن سورەلەرىندەگى تاۋارعا 15 پروتسەنتتەن جوعارى ۇستەمەنى اسىرا قولدانۋ دەرەكتەرىن انىقتاۋ جۇمىستارى اتقارىلادى. مونيتورينگ ناتيجەلەرىن تالداۋ ازىق-ت ۇلىك تاۋارلارىنىڭ باعاسىن قالىپتاستىرۋ تىزبەگى بويىنشا دەلدالدىق سحەمالاردى تەرگەپ-تەكسەرۋ جونىندەگى كوميسسيا ارقىلى جۇزەگە اسىرىلادى. جىل باسىنان بەرى باعانى تۇراقتاندىرۋعا قاتىستى 70-كە جۋىق وتىرىس وتكىزىلىپ, 150-دەن اسا زاڭ بۇزۋشىلىق دەرەگى انىقتالدى. انىقتالعان بارلىق فاكتى بويىنشا زاڭدى بەلدەن باسقاندارعا قاتىستى ءتيىستى شارا قولدانىلدى.
الەۋمەتتىك ماڭىزى بار ازىق-ت ۇلىك تاۋارلارىنىڭ تىزبەسىنە ەنگىزىلگەن نەگىزگى 19 ازىق-ت ۇلىك ءونىمى تۇراقتاندىرۋ قورىنىڭ باعاسىمەن ساتىلۋدا. ايتا كەتۋ كەرەك, جىل باسىنان بەرى وڭىردە اۋىل شارۋاشىلىعى تاۋارىن وندىرۋشىلەردىڭ قاتىسۋىمەن 186 جارمەڭكە وتكىزىلدى. سونداي-اق, ەلوردا حالقى ءۇشىن 3 وبلىستىق جارمەڭكە ۇيىمداستىرىلدى.
كوكشەتاۋ
