كومپانيانىڭ مالىمەتىنشە, اقش-قا حاتتار مەن قۇجاتتاردى جىبەرۋ ادەتتەگىدەي جالعاسادى. شەكتەۋ تەك تاۋار سالىنعان پوشتا جونەلتىلىمدەرىنە قاتىستى.
«شەكتەۋ امەريكالىق تاراپتان ەنگىزىلدى جانە ول كوپتەگەن ەلدەردەن كەلەتىن حالىقارالىق پوشتا جونەلتىلىمدەرىنە قولدانىلادى. قازىرگى تاڭدا دۇنيەجۇزىلىك پوشتا وداعىنا مۇشە 192 مەملەكەتتىڭ ىشىندە تەك 5 ەل عانا اقش-قا تاۋار سالىنعان پوسىلكا جىبەرە الادى», دەلىنگەن «قازپوشتا» حابارلاماسىندا.
«قازپوشتا» شەتەلدىك سەرىكتەستەرىمەن تۇراقتى بايلانىستا ەكەنىن جانە قىزمەتتى قايتا جانداندىرۋ بويىنشا كەلىسسوزدەر جۇرگىزىپ جاتقانىن مالىمدەدى. كومپانيا ۋاقىتشا قولايسىزدىق ءۇشىن تۇتىنۋشىلاردان كەشىرىم سۇرادى.
