ەگەر ءبارى جوسپار بويىنشا جۇرسە, «Orion» عارىش كەمەسى ەكيپاجىمەن بىرگە ايعا 2026 جىلدىڭ 5 اقپانىندا ۇشادى. ۇشىرۋدىڭ قوسىمشا كۇنى 26 ساۋىرگە دەيىن دەپ بەلگىلەنگەن, بىراق اگەنتتىك باسشىلىعى ميسسيانى مۇمكىندىگىنشە ەرتەرەك باستاۋعا ءۇمىتتى. بۇل ساپاردىڭ باسقا ميسسيالاردان ايىرماشىلىعى, «Orion» اي وربيتاسىنا شىقپايدى. كەمە اي بەتىنەن 9260 كم قاشىقتىقتا ەركىن ۇشىپ وتەدى. مۇنداي تراەكتوريا تاۋەكەلدەردى ازايتۋ ماقساتىندا تاڭدالعان. ويتكەنى «Artemis 2» ميسسياسى سىناقتىق سيپاتقا يە جانە بارلىق جۇيەلەردىڭ سەنىمدىلىگىن تەكسەرۋگە ارنالعان.
