سونىمەن بىرگە شاھار شارۋالارى مايلى داقىلدان دا جاقسى ونىمگە قول جەتكىزدى. وتكەن جىلدارمەن سالىستىرعاندا بيىلعى گەكتار بەرەكەلىلىگى اجەپتەۋىر بولدى دەيدى ديقاندار. اسىرەسە ماقسارى بيىل جىلداعىدان كوبىرەك ءونىم بەردى.
مۇنىڭ بارلىعى فەرمەرلەر ايتىپ وتكەندەي ەرتە كوكتەمدەگى ىلعالدى ءتيىمدى پايدالانۋدىڭ ناتيجەسىندە مۇمكىن بولدى. شىمكەنت قالاسىنىڭ اۋىل شارۋاشىلىعى جانە ۆەتەريناريا باسقارماسىنىڭ مالىمدەۋىنشە كوكتەمگى ەگىس ناۋقانىندا مەگاپوليس اۋماعىنداعى 23 مىڭ گەكتار القاپقا اۋىل شارۋاشىلىعى داقىلدارى ەگىلدى. ولار نەگىزىنەن ارپا, بيداي مەن مايلى داقىلدار.
جالپى 2025 جىلى 10.9 مىڭ گەكتار اۋىل شارۋاشىلىعى ماقساتىنداعى جەرگە ءداندى داقىلدار ەگىلدى. ونىڭ 10.3 مىڭ گەكتارى بيداي القابى بولسا, قالعان 0.6 مىڭ گەكتارى ارپا ەگىستىگى. ال بۇگىنگە دەيىن جينالعان جالپى اۋىل شارۋاشىلىعى ونىمدەرى 66 مىڭ توننانى قۇراپ وتىر.
