ساپار اياسىنداعى جيىندا تۇتاس مۇسىلمان جۇرتىنىڭ تاريحي مۇراسىنا اينالعان ەسكەرتكىشتەردى يسلام الەمىنىڭ مادەني مۇرالار تىزىمىنە ەنگىزۋ ماسەلەسى قارالدى. سالەم بين موحاممەد وسى قادام ارقىلى شىمكەنت قالاسىنىڭ مادەني قۇندىلىقتارىن حالىقارالىق دەڭگەيدە تانىتۋعا جانە قورعاۋعا مۇمكىندىك تۋاتىنىن جەتكىزدى.
جالپى ايتا كەتكەن ءجون, يسلام الەمىنىڭ ءبىلىم, عىلىم جانە مادەنيەت ۇيىمى (ISESCO) — 1979 جىلى قۇرىلعان قۇرىلىم. ول سونداي-اق يسلام ىنتىماقتاستىعى ۇيىمىنا قاراستى مامانداندىرىلعان حالىقارالىق ۇيىم بولىپ سانالادى. ول مۇشە مەملەكەتتەر اراسىندا ءبىلىم, عىلىم جانە مادەنيەت سالالارىنداعى ىنتىماقتاستىقتى دامىتۋ مەن نىعايتۋدى كوزدەيدى.
