بيىل WFC نەگىزگى تاقىرىبى - «باعالى قاعازداردىڭ ورتالىق دەپوزيتاريلەرىنىڭ ەۆوليۋتسياسى: سىن-قاتەرلەر, مۇمكىندىكتەر جانە ترەيدينگتەن كەيىنگى ينفراقۇرىلىمنىڭ بولاشاعى». الماتىعا 50-دەن استام ەلدىڭ 80-نەن استام قارجى ۇيىمىنىڭ ساراپشىلارى كەلىپ, وزگەرمەلى قارجى لاندشافتىنداعى ورتالىق دەپوزيتاريلەردىڭ رولىنە قاتىستى ەڭ وزەكتى ماسەلەلەردى, رەتتەۋشىلىك وزگەرىستەردى, ترەيدينگتەن كەيىنگى ينفراقۇرىلىمداعى جاڭا ترەندتەردى, ەسەپ ايىرىسۋ تيىمدىلىگىن ارتتىرۋدى, AI, بلوكچەين جانە باسقا دا كوپتەگەن تاقىرىپتاردى تالقىلاۋعا كەلدى. فورۋمعا قارجى نارىقتارىنىڭ ينفراقۇرىلىمى سالاسىندا 250-دەن استام ساراپشى جينالدى.
سوڭعى جىلدارى قازاقستاننىڭ ورتالىق دەپوزيتاريى حالىقارالىق سەرىكتەستەرمەن قارىم-قاتىناسىن بەلسەندى تۇردە كەڭەيتۋدە: 2023 جىلى The Bank of New York Mellon-مەن كوررەسپوندەنتتىك قارىم-قاتىناس ورناتتى, 2024 جىلى ارمەنيا ورتالىق دەپوزيتاريى جۇيەسىنىڭ رەسمي مۇشەسى بولدى. بۇل نارىقتار اراسىنداعى ترانسشەكارالىق قولجەتىمدىلىكتى كەڭەيتۋگە مۇمكىندىك بەرەدى.
بيىل KCSD فورۋمىندا تۇركيانىڭ ورتالىق دەپوزيتاريىمەن ءوزارا شوتتار اشۋ تۋرالى كەلىسىمگە قول قويىلدى. جىل سوڭىنا دەيىن تاجىكستان مەن ءازىربايجاننىڭ ورتالىق ساۋدا ورتالىعىنا قوسۋ جۇمىستارى اياقتالادى. سونىمەن قاتار KCSD تاياۋ شىعىس ەلدەرىمەن كاستوديالدىق ارنالار قۇرادى (First Abu Dhabi Bank ارقىلى). 2026 جىلى KCSD وڭتۇستىك-شىعىس ازيانىڭ كومپانيالارىمەن ىنتىماقتاستىقتى كەڭەيتۋدى جوسپارلاپ وتىر.
«بۇل ارىپتەستىك, بىرىنشىدەن, ينفراقۇرىلىمدار اراسىنداعى ءوزارا ءىس-قيمىلدىڭ تىكەلەي ارنالارىنىڭ ارقاسىندا ەسەپتەۋلەر مەن كورپوراتيۆتىك وپەراتسيالاردى جەڭىلدەتەدى. ەكىنشىدەن, ءبىر وڭىردەن كەلگەن ينۆەستورلارعا ارتىق دەلدالدارسىز قۇرالدارعا قول جەتكىزۋگە مۇمكىندىك بەرە وتىرىپ, وتىمدىلىكتى ءارتاراپتاندىرادى. ۇشىنشىدەن, تۇراقتىلىقتى قامتاماسىز ەتەدى, ويتكەنى بالامالى باعىتتار جەرگىلىكتى ىركىلىستەردىڭ نەمەسە رەتتەۋشىلىك وزگەرىستەردىڭ اسەرىن تومەندەتەدى. ناتيجەسىندە ينۆەستور, ەميتەنت جانە قاداعالاۋ ورگانى ۇتادى», - دەپ تولىقتىردى ول.
قازاقستان قور بيرجاسىنىڭ باسقارما توراعاسى ءادىل مۇحامەدجانوۆ باعالى قاعازداردىڭ ورتالىق دەپوزيتاريلەرى قارجى نارىعى ينفراقۇرىلىمىنىڭ ءدال ورتاسىندا ورنالاسقانىن اتاپ ءوتتى. «بۇكىل الەمدە سىزدەر قاۋىپسىزدىكتى, اشىقتىق پەن تيىمدىلىكتى قامتاماسىز ەتەسىزدەر. ينۆەستورلاردىڭ, ەميتەنتتەردىڭ جانە ۇكىمەتتەردىڭ كاپيتال نارىقتارىنا سەنىمى ءسىزدىڭ ورنىقتىلىعىڭىزعا, يننوۆاتسيالارىڭىز بەن كوشباسشىلىعىڭىزعا تىكەلەي بايلانىستى. سوندىقتان بۇل فورۋم وتە ماڭىزدى», - دەپ اتاپ ءوتتى KASE باسشىسى جانە قازاقستاندا WFC-2025 وتكىزۋدىڭ ەرەكشە ماڭىزى بار ەكەنىن ايتتى.
«ەۋروپا مەن ازيا اراسىنداعى كوپىر بولىپ تابىلاتىن ءبىزدىڭ ەلىمىز ءوزىنىڭ كاپيتال نارىعىن جاڭعىرتۋدا ايتارلىقتاي جەتىستىكتەرگە قول جەتكىزدى. قازاقستان باعالى قاعازدارىنىڭ ورتالىق دەپوزيتاريi قازاقستان قور بيرجاسىمەن بiرلەسiپ تۇراقتى جانە حالىقارالىق ستاندارتتارعا سايكەس كەلەتiن ترەيدينگتەن كەيiنگi ەكوجۇيە قۇردى. سوڭعى جىلدارى ينۆەستورلاردىڭ قاتىسۋى, تۇراقتى تەحنولوگيالىق جاڭارۋ جانە كورپوراتيۆتىك باسقارۋ جۇيەسىنىڭ نىعايۋى بايقالادى», دەپ تولىقتىردى ول.
جوعارى بەلگىسىزدىك, ەسەپ ايىرىسۋ تسيكلدەرىنىڭ قىسقارۋى, كيبەرقاۋىپسىزدىككە قويىلاتىن نەعۇرلىم قاتاڭ تالاپتار جانە ساندىق ورتاداعى ينستيتۋتسيونالدىق رولدەردى قايتا پايىمداۋ جاعدايىندا ۇجىمدىق قولداۋ, ءبىلىم الماسۋ جانە جەدەل ۇيلەستىرۋ ءۇشىن پراكتيكالىق تۇعىرنامالار - قو قوعامداستىقتارى مەن وڭىرلىك قاۋىمداستىقتار ۇلكەن ءرول اتقارادى.
ءىس-شاراعا Clearstream (ليۋكسەمبۋرگ), Nasdaq, Montran (اقش), CMA Small Systems (شۆەتسيا), Romer Capital (كيپر) جانە ت.ب. قولداۋ كورسەتتى. ۇيىمداستىرۋشى KCSD بولىپ تابىلادى
