سۋرەتتەردى تۇسىرگەن – رۋسلان ۋسمانحانوۆ
قالا كۇنىنە مۋزىكالىق سىيلىق جاساۋ جوسپارى جارتى جىل بۇرىن پايدا بولعان. سوندا «گۇل الماتى» ءانى بىردەن تاڭدالىپتى. ونى كوپ جىل بۇرىن الەكساندر زاتسەپين «تاقيالى پەرىشتە» ءفيلمى ءۇشىن جازىپ, العاشىندا كەڭەس وداعىنىڭ حالىق ءارتىسى ەرمەك سەركەباەۆ ورىنداعان. ءان كەيىن باتىرحان شۇكەنوۆتىڭ ورىنداۋىندا قايتا تانىمال بولدى. ء«دال وسى تۋىندى الماتى كۇنىنە ەرەكشە ساي كەلەدى جانە قالاعا دەگەن سۇيىسپەنشىلىكتى بىلدىرەدى», دەيدى رەجيسسەرلەر ايدا ابلاەۆا مەن رينا ناۋموۆا. بۇل جولى «گۇل الماتى» ءانىن اتى اڭىزعا اينالعان روزا رىمباەۆا مەن تانىمال, زاماناۋي مۋزىكانتتار M’DEE مەن Orynkhan ورىندايدى.
جاڭا ترەكتىڭ ءتۇسىرىلىمى 7 قىركۇيەكتە ءوتتى. ءتۇسىرىلىم الاڭى – اباي اتىنداعى قازاق مەملەكەتتىك اكادەميالىق وپەرا جانە بالەت تەاترى, تەاتر ماڭىنداعى گۇلزار. ارتىستەر كادردا كەزدەسپەيدى جانە ارقايسىسى ترەكتى وزىندىك نۇسقادا ورىندايدى. ولاردى مۋزىكانتتار مەن ءتۇسىرىلىم الاڭىنا كەلۋشىلەر سۇيەمەلدەدى.
«الماتى – جاي عانا ءتۇسىرىلىم ورنى ەمەس, ول جەكە كەيىپكەر ىسپەتتى. ءبىز قالانىڭ كوشەلەرىنە, تۇرعىندارىنا دەگەن سۇيىسپەنشىلىگىمىزدى جەتكىزگىمىز كەلدى. سول سەبەپتى كادرلاردا ساياباقتار مەن گۇلزارلار عانا ەمەس, قالا تۇرعىندارى دا بار», دەدى رەجيسسەر رينا ناۋموۆا.
كليپتىڭ ءتۇسىرىلىمى «Kaspi.kz» قولداۋىمەن ءوتتى. ءبىر جىل بۇرىن ەڭ يننوۆاتسيالىق تەحنولوگيالىق كومپانيا «OYU»-دىڭ باس سەرىكتەسى اتاندى. بۇعان دەيىن بىرگە جۇزەگە اسىرىلعان «Nauryz Special» جوباسى ەل تۇرعىندارىنا ناۋرىز مەرەكەسى اياسىندا سىيعا تارتىلعان ەدى. ەندى, مىنە, كەزەك الماتى كۇنىنە كەلىپتى.
«بىزگە Kaspi.kz-ءتىڭ قولداۋى اسا قاجەت, سەبەبى ءدال وسىنداي سەرىكتەستەردىڭ ارقاسىندا يدەيالارىمىزدى تولىققاندى جۇزەگە اسىرا الامىز. وسىنداي تانىمال جانە ءبارى قولداناتىن ءىرى برەندتەردىڭ الماتىداي ارۋ قالامىزعا راحمەت ايتۋ تۋرالى ۇسىنىسىمىزدى قولداعانى ماڭىزدى. ياعني مۇنداي ارەكەتتەرى «Kaspi.kz»-ءتىڭ الماتى مەن ونىڭ تۇرعىندارىنا دەگەن ماحابباتىن بىلدىرەدى», دەيدى بۇل تۋرالى رەجيسسەر ايدا ابلاەۆا.
M’DEE:
«Kaspi»-ءدىڭ وسىنداي كەرەمەت شىعارماشىلىق جوبالارعا قولداۋ كورسەتۋى ءسوزسىز ۇلكەن قادام دەر ەدىك. بۇل ءبىزدىڭ قازاقستان ءۇشىن, قالامىزدىڭ جانە ەلىمىزدىڭ شىعارماشىلىق ورتاسى ءۇشىن وتە ماڭىزدى. مەن مۇنداي جوبالاردىڭ پايدا بولىپ جاتقانىنا قۋانىشتىمىن جانە ولاردىڭ ءالى دە كوبەيەتىنىنە سەنەمىن».
ال وسى قالادا جۇلدىزى جانىپ, تىڭدارماندارىنا شابىت سىيلاعان روزا رىمباەۆا جۇرەكجاردى لەبىزىن بىلاي ءبىلدىردى:
«مەنىڭ ويىمشا, تابىستى كومپانيالار مەن بيزنەسمەندەردىڭ ءومىرىن ءوز ەلىنە دەگەن سۇيىسپەنشىلىكسىز ەلەستەتۋ مۇمكىن ەمەس. بۇل جوبا دا ولاردىڭ ءوز قالاسىنا دەگەن سەزىمىن بىلدىرەدى. ولار قالا تۇرعىندارى مەن قوناقتارى ءۇشىن تۇسىرىلىمدەر مەن كونتسەرتتەر ۇيىمداستىرادى, ال ءبىز, انشىلەر, وعان شىن جۇرەكتەن قاتىسامىز», دەدى ءانشى.
بىرنەشە ءتۇسىرۋ توبى ءتۇسىرىلىم الاڭىنىڭ ءارتۇرلى بۇرىشىندا جۇمىس ىستەدى. وقيعانى Orynkhan اشتى – تاڭنىڭ اتۋى, ويانعان قالا, الماتىلىق ۇيلەردىڭ بالكوندارى... جارىق, جىلى كورىنىستەر كورەرمەندەرگە ەرەكشە اسەر سىيلادى دەگەن ويدامىز. ال Orynkhan-نىڭ ءوزى:
ء«بارى ويداعىداي بولدى. وسى ءبىر ۇلكەن جوبانى ەرتەڭگى تاريح دەپ ەسەپتەيمىن. بۇل ينتەرنەت جەلىسىنە تۇسەدى, بولاشاققا بەلگى رەتىندە قالادى. بۇگىن عانا ەمەس, 10 جىل, 50 جىلدان كەيىن دە ادامدار تىڭداپ, كورە الادى. كىشىگىرىم ارحيۆ رەتىندە ساقتالادى. سول ءۇشىن وسىنداي ساپالى ارحيۆ, ساپالى تاريحتىڭ جاسالۋىنا قاتىسىپ جاتقانىما قۋانىشتىمىن», دەدى.
وقيعا ءارى قاراي M’DEE-ءدىڭ ورىنداۋىندا جالعاستى. مۋزىكانت مۋزىكانتتارمەن سويلەسەدى, ساياباقتا ءان ايتادى جانە جول بويىمەن سەرۋەندەيدى.
M’DEE:
«جالپى, جۇمىسىمنىڭ ۇلكەن بولىگى الماتىمەن بايلانىستى. قالاي بولعاندا دا, ءوزىمدى ناعىز الماتىلىق رەتىندە سەزىنەمىن. مەن بۇل قالانى شىن جۇرەگىممەن جاقسى كورەمىن, سوندىقتان مۇنداي جوباعا قاتىسۋ – ءبىز ءۇشىن ۇلكەن مارتەبە. اسىرەسە «گۇل الماتى» ءانى – مەنى مۋزىكانت ەتكەن, مۋزىكاعا دەگەن سۇيىسپەنشىلىكتى وياتقان اندەردىڭ ءبىرى», دەدى ونەر يەسى.
اتاقتى ءانشى روزا رىمباەۆا اتالعان تۋىندى تۋرالى ويىن بىلاي جەتكىزدى:
«بۇل ءاندى ۇلى ءانشىمىز ەرمەك سەركەباەۆ ورىنداعان. ەرمەك اعادان كەيىن سۇيىكتى باۋىرىمىز, وتە جوعارى دەڭگەيدەگى ءانشى, مۋزىكانت, كومپوزيتور باتىرحان شۇكەنوۆ شىرقادى. وسى جولى ماعان كەزەك كەلدى. مەن, ارينە, ەرمەك اعاعا دا, باتىرحانعا دا ۇقسامايمىن, روزا رىمباەۆا بولىپ اۋەلەتىپ سالامىن. سەبەبى جارتى عاسىر وسى الماتىدا تۇرامىن, ۇلكەن ساحنالارىندا ءان سالىپ كەلەمىن, نەگە بۇل ءاندى ورىنداپ كورمەسكە؟ ءوزىمنىڭ جۇرەگىممەن, ءوزىمنىڭ داۋىسىممەن, ءوزىمنىڭ مانەرىممەن شىرقايمىن. سوندىقتان بۇل دا – الماتىعا دەگەن ەرەكشە ماحابباتتىڭ بەلگىسى».
بەينەروليك روزا رىمباەۆانىڭ ورىنداۋىمەن اياقتالادى. ايگىلى ءانشى ترەكتى كوپتەگەن مۋزىكانت, سۇيەمەلدەۋشىمەن بىرگە ورىندادى. حالىقتىڭ سۇيىكتى ءارتىسى ءۇشىن بەس مىڭ قىزعالداق گ ۇلىنەن تۇراتىن ۇلكەن گۇلزار جاسالعان.
