ەكى كۇنگە سوزىلاتىن شاراعا ەلىمىزدىڭ بارلىق وڭىرىندەگى 100-دەن استام دوستىق ءۇيىنىڭ, ەتنومادەني بىرلەستىكتەردىڭ, مەملەكەتتىك ورگانداردىڭ وكىلدەرى, ساراپشىلار مەن جاستار قاتىسىپ جاتىر.
ء«بىزدىڭ ورتاق مىندەتىمىز – ءار ۇلتتىڭ داستۇرلەرىن ساقتاپ قانا قويماي, ولاردى جاڭا مازمۇنمەن بايىتىپ, كەلەر ۇرپاققا اماناتتاۋ. دوستىق ۇيلەرى – بىرلىكتى نىعايتۋدىڭ, قوعامدىق كەلىسىم مەن ەتنوسارالىق ديالوگتى دامىتۋدىڭ نەگىزگى تىرەگى. وسكەمەن قالاسىندا 33 جىل بۇرىن قازاقستانداعى تۇڭعىش دوستىق ءۇيى اشىلعان ەدى. بۇگىندە مۇنداي ورتالىقتار ەلىمىزدىڭ تۇكپىر-تۇكپىرىندە جۇمىس ىستەپ كەلەدى. ەندىگى ماقساتىمىز – وسى مول تاجىريبەنى دامىتۋ ءتۇسۋ» دەدى شقو اكىمى نۇرىمبەت ساقتاعانوۆ.
قازاقستان حالقى اسسامبلەياسى توراعاسىنىڭ ورىنباسارى مارات ءازىلحانوۆ شىعىس قازاقستانداعى 8 دوستىق ءۇيىنىڭ قوعامدى بىرىكتىرۋ ميسسياسىن جەمىستى جۇزەگە اسىرىپ وتىرعانىن اتاپ ءوتتى.
كونگرەسستە ەتنوسارالىق كەلىسىمدى نىعايتۋ تەتىكتەرى تالقىلانىپ, دوستىق ۇيلەرىنىڭ ۇزدىك تاجىريبەلەرى ورتاعا سالىندى.
ەرتەڭ دە جالعاساتىن كونگرەسس ريددەر قالاسىندا قورىتىندىلانادى. وندا «اسسامبلەيا جاستارى» جاستار مەكتەبى اشىق ديالوگ, ەركىن پىكىر الماسۋ فورماتىندا ءوتىپ, ەتنوسارالىق كەلىسىمگە قاتىستى الداعى جۇمىستىڭ بۇگە-شۇگەسى تالقىعا سالىنباق.
ايتقانداي, وبلىس اكىمى وسكەمەندە جاڭادان دوستىق ءۇيىنىڭ عيماراتى بوي كوتەرەتىنىن ايتتى.
شىعىس قازاقستان وبلىسى
