فوتو: world-nan.kz
2024-2025 ماركەتينگ جىلىندا 13,3 ملن توننا استىق تاسىمالدانىپ, كورسەتكىش 45%-عا وسكەن.
ونىڭ ىشىندە 10,3 ملن توننا ەكسپورتقا جانە 3 ملن توننا رەسپۋبليكا بويىنشا جەتكىزىلگەن. ءونىمدى القاپتان ۋاقتىلى اكەتۋ ەلەۆاتورلار مەن جاڭا ەگىندى قابىلداۋ ءۇشىن قويمالاردى بوساتۋعا مۇمكىندىك بەرىپ وتىر.
«نەگىزگى باعىتتاردا وڭ ديناميكا بايقالادى. بولەك ايتقاندا, قىتاي باعىتىندا استىقتىڭ كولەمى تومەندەگەنمەن, ازىقتىق ۇن 2 ميلليون تونناعا جەتىپ, 4,6 ەسەگە ءوستى. بۇل, وڭدەۋشىلەردىڭ قوسىلعان قۇنى جوعارى ءونىمدى شىعارۋدىڭ ناتيجەسىندە مۇمكىن بولدى»,
دەدى نۇرلان ساۋرانباەۆ.
نۇرلان ساۋرانباەۆ كەلتىرگەن دەرەك بويىنشا, قولدانىستاعى پارك استىق جۇكتەرىن تاسىمالداۋ ءۇشىن جەتكىلىكتى. مىسالى, استىق تاسيتىن ۆاگوندار 16,3 مىڭعا جانە ۇن تاسۋعا ارنالعان جابىق ۆاگوندار سانى 16, 5 مىڭعا جەتتى. جانە ۇلتتىق وپەراتوردا 1,7 مىڭ لوكوموتيۆ بار.
سونىمەن قاتار مينيستر مەملەكەت ارالىق پۋنكتىلەر استىقتى جوعارى دەڭگەيدە تاسىمالداۋعا دايىن ءارى پۋنكتتەردە پويىزداردى وتكىزۋ مۇمكىندىگى جەتكىلىكتى ەكەنىن اتاپ ءوتتى. وزبەكستان جانە ورتالىق ازيا باعىتىندا وتكىزۋ قابىلەتى تاۋلىگىنە 42 پويىزدى, ال قىتاي باعىتىنا 43 پويىزدى, رەسەي بويىنشا 85 پويىزدى قۇرايدى.
