قازاقستان رەسپۋبليكاسى مادەنيەت جانە سپورت مينيسترلىگىنىڭ بۇيرىعى  №18

2014 جىلعى 19 قىركۇيەك,  استانا قالاسى قازاقستان رەسپۋبليكاسىنىڭ دوپينگكە قارسى قاعيدالارىن بەكىتۋ تۋرالى «دەنە شىنىقتىرۋ جانە سپورت تۋرالى» قازاقستان رەسپۋبليكاسىنىڭ 2014 جىلعى 3 شىلدەدەگى زاڭىنىڭ 7 بابىنىڭ 10) تارماقشاسىنا سايكەس بۇيىرامىن: 1. قوسا بەرىلگەن قازاقستان رەسپۋبليكاسىنىڭ دوپينگكە قارسى قاعيدالارى بەكىتىلسىن. 2. قازاقستان رەسپۋبليكاسى مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى (ە.ب. قاناعاتوۆ) زاڭنامادا بەلگىلەنگەن تارتىپپەن: 1) قازاقستان رەسپۋبليكاسى ادىلەت مينيسترلىگىنە وسى بۇيرىقتى مەملەكەتتىك تىركەۋگە ۇسىنۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن بۇقارالىق اقپارات قۇرالدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى مادەنيەت جانە سپورت ۆيتسە-ءمينيسترى ت.ك. ەسەنتاەۆقا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ا.مۇحامەدي ۇلى. قازاقستان رەسپۋبليكاسى مادەنيەت جانە سپورت ءمينيسترىنىڭ 2014 جىلعى 19 قىركۇيەكتە №18 بۇيرىعىمەن بەكىتىلدى قازاقستان رەسپۋبليكاسىنىڭ دوپينگكە قارسى قاعيدالارى 1. جالپى ەرەجەلەر 1. قازاقستان رەسپۋبليكاسىنىڭ دوپينگكە قارسى قاعيدالارى (بۇدان ءارى – قاعيدا) سپورتتا دوپينگتى قولدانۋدىڭ الدىن الۋ ءتارتىبىن جانە ونىمەن كۇرەستى ايقىندايدى. 2. وسى قاعيدادا كەلەسى ۇعىمدار قولدانىلادى: 1) جارىس كەزەڭى - سپورتشىنىڭ جانە (نەمەسە) جانۋاردىڭ ناقتى سپورتتىق جارىستارعا كاتىسۋ كەزەڭى; 2) جارىستان تىس كەزەڭ – جارىستىق كەزەڭگە ەنگىزىلمەگەن كەزەڭ. 3. سپورت فەدەراتسيالارى وسى قاعيدادا بەلگىلەنگەن تالاپتارعا سايكەس دوپينگتى قولدانۋعا قارسى ءىس-ارەكەت جاسايدى. 4. دوپينگتى قولدانۋعا قارسى ءىس-قيمىلعا مىناداي دوپينگكە قارسى ءىس- شارالار كەشەنى كىرەدى: 1) دوپينگ-باقىلاۋدى جۇرگىزۋ; 2) «دەنە شىنىقتىرۋ جانە سپورت تۋرالى» 2014 جىلعى 3 شىلدەدەگى قازاقستان رەسپۋبليكاسى زاڭىنىڭ 44-بابىنىڭ 2-تارماعىندا كوزدەلگەن دوپينگكە قارسى قاعيدالاردى بۇزعانى (بۇدان ءارى - دوپينگكە قارسى قاعيدانى بۇزۋ) ءۇشىن سپورتشىلارعا, جاتتىقتىرۋشىلارعا, دەنە شىنىقتىرۋ جانە سپورت سالاسىنداعى وزگە دە ماماندارعا جاۋاپكەرشىلىك بەلگىلەۋ; 3) دوپينگتى قولدانۋدىڭ الدىن الۋ; 4) دوپينگ-باقىلاۋدى جۇرگىزەتىن مامانداردىڭ بىلىكتىلىگىن ارتتىرۋ: 5) بۇقارالىق اقپارات قۇرالدارىندا دوپينگكە قارسى ناسيحات جۇرگىزۋ; 6) سپورتتا دوپينگتى بولدىرماۋعا جانە وعان قارسى كۇرەسكە باعىتتالعان عىلىمي زەرتتەۋلەر جۇرگىزۋ; 7) سپورتشىلاردىڭ جۇمىسقا قابىلەتتىلىگىن قالپىنا كەلتىرۋ قۇرالدارى مەن ادىستەرىن ازىرلەۋ جونىندە عىلىمي زەرتتەۋلەر جۇرگىزۋ; 8) قۇرامىنا تىيىم سالىنعان سۋبستانتسيالاردى قوسۋ ارقىلى دارىلىك زاتتار مەن تاعامدىق قوسپالاردىڭ ساپاسىن بۇرمالاعانى, وسىنداي دارىلىك زاتتار مەن تاعامدىق قوسپالاردى وتكىزگەنى ءۇشىن, سونداي-اق تىيىم سالىنعان سۋبستانتسيالاردى ازىرلەۋ, دايىنداۋ, پايدالانۋ تاسىلدەرى, ادىستەرى جانە ولاردى ساتىپ الۋ ورىندارى تۋرالى مالىمەتتەردى تاراتۋعا باعىتتالعان قىزمەت ءۇشىن جاۋاپتىلىقتى بەلگىلەۋ; 9) دوپينگ-باقىلاۋ جۇرگىزۋ شارتتارىن بۇزعانى ءۇشىن دەنە شىنىقتىرۋ سپورت ۇيىمدارىنىڭ جاۋاپتىلىعىن بەلگىلەۋ; 10) سپورتتا دوپينگتى بولدىرماۋ جانە ونىمەن كۇرەس سالاسىندا حالىقارالىق ىنتىماقتاستىقتى جۇزەگە اسىرۋ, 5. سپورتتىق جارىستاردى ۇيىمداستىرۋشىلار دوپينگ-باقىلاۋدى جۇرگىزۋ شارتتارىن قامتاماسىز ەتەدى. 6. دوپينگ-باقىلاۋ پروتسەسى تەستىلەر وتكىزۋدى, سىنامالار الۋدى, ولاردى. ساقتاۋدى, تاسىمالداۋدى, سىنامالاردى لابوراتوريالىق تالداۋدى, ۇلتتىق دوپينگكە قارسى ورتالىقتىڭ (بۇدان ءارى - ۇدقو) تارتىپتىك دوپينگكە قارسى كوميسسياسى شەشىم قابىلداۋدى جوسپارلاۋى ارقىلى جۇزەگە اسىرىلادى. 7. دوپينگ-باقىلاۋ (تەستىلەۋ) ءراسىمى جارىس كەزەڭىندە جانە جارىستان تىس كەزەڭدە جۇزەگە اسىرىلادى. 8. دوپينگتى پايدالانۋ مانىنە تەستىلەۋ جۇرگىزۋدى جوسپارلاۋ ءۇشىن ۇدقو جارىستىق جانە جارىستان تىس كەزەڭدە تەستىلەۋگە جاتاتىن سپورتشىلار ءتىزىمىن (بۇدان ءارى – ءتىزىم) قالىپتاستىرادى. 9. ءتىزىم سپورت فەدەراتسيالارىنىڭ اقپاراتى بويىنشا قۇرىلادى جانە تەستىلەۋدى وتكىزۋدىڭ ۋاقىتى مەن ورنى تۋرالى مالىمەتتەن تۇرادى. 10. سپورت فەدەراتسيالارىنىڭ اقپاراتىنا سپورتشىلاردىڭ تەگى, اتى جانە اكەسىنىڭ اتى (بار بولسا), سپورت تۇرلەرى. سپورتتىق جارىستاردىڭ اتاۋى جانە وتەتىن ۋاقىتى تۋرالى مالىمەتتەر كىرەدى, 11. ءتىزىم سپورتتىق جارىستاردى وتكىزۋ كۇنىنە دەيىن 30 كۇنتىزبەلىك كۇننەن كەشىكتىرمەي قالىپتاستىرىلادى, ال سپورت فەدەراتسيالارىنىڭ اقپاراتى 60 كۇنتىزبەلىك كۇن قالعاندا ۇسىنىلادى, 12. قالىپتاستىرىلعان ءتىزىم ۇدقو ينتەرنەت-رەسۋرسىندا ورنالاسادى. 13. سپورت فەدەراتسياسى ءتىزىم ۇدقو ينتەرنەت-رەسۋرسىندا ورنالاستىرىلعان كۇننەن باستاپ 5 كۇنتىزبەلىك كۇن ىشىندە سپورتشىلارعا وسى ‘تىزىمگە ەنگەنى تۋرالى حابارلايدى (تەلەفون, كوشىرمە بايلانىس, ەلەكتروندى پوشتا نەمەسە تاپسىرىس حات ارقىلى). 14. سىنامالار الۋدى, ولاردى ساقتاۋدى, تاسىمالداۋدى, سىنامالاردى زەرتحانالىق تالداۋدى جانە ولاردى زەرتتەۋدى دۇنيەجۇزىلىك دوپينگكە قارسى اگەنتتىك اكرەديتتەگەن زەرتحانالار جۇزەگە اسىرادى. سىنامالار سپورتتىق جارىستارعا كاتىساتىن سپورتشىلاردان جانە جانۋارلاردان الىنادى. 15. سپورت فەدەراتسياسى زەرتحانالىق زەرتتەۋلەردى جۇرگىزۋ ءۇشىن تەستىلەۋدى وتكىزۋگە جانە سىنامالار الۋعا ىقپال ەتەدى. 16. سپورتشى ونى تىزىمگە ەنگىزگەنى تۋرالى حابارلاما العاننان كەيىن سىناما تاپسىرۋعا كەلۋدەن باس تارتقان, سپورتشى دالەلدى سەبەپسىز سىناما تاپسىرۋعا كەلمەگەن نەمەسە سپورتشى سىناما تاپسىرۋدان وزگەشە تۇردە جالتارعان جاعدايدا سپورتشى سپورتتىق جارىستاردان شەتتەتىلەدى. تەستىلەۋدەن جالتارۋ فاكتىسى دەرەۋ ۇدقو حابارلانادى. 17. دوپينگ قولدانۋ فاكتىسى انىقتالعان جاعدايدا 3 كۇنتىزبەلىك كۇن ىشىندە ۇدقو ول تۋرالى مالىمەت جولدانادى. 18. دوپينگكە قارسى قاعيدانى بۇزۋ بويىنشا تىڭدالىمدار وتكىزۋ ءۇشىن ۇدقو جانىنان تارتىپتىك دوپينگكە قارسى كوميسسيا (بۇدان ءارى كوميسسيا) قۇرىلادى. كوميسسيانىڭ قۇرامىنا 5 ادام, ونىڭ ىشىندە قازاقستان رەسپۋبليكاسى مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ (بۇدان ءارى - كوميتەت) وكىلى, زەرتحانانىڭ وكىلى جانە سپورتتىق مانسابىن اياقتاعان سپورتشى كىرەدى. كوميسسيانىڭ توراعاسى كوميتەتتىڭ وكىلى بولىپ تابىلادى. كوميسسيانىڭ شەشىمى كوپشىلىك داۋىسپەن قابىلدانادى جانە حاتتامامەن راسىمدەلەدى. داۋىستار تەڭ بولعان جاعدايدا, كوميسسيا توراعاسىنىڭ داۋسى شەشۋشى بولىپ تابىلادى. 19. كوميسسيانىڭ تىڭدالىمى دوپينگتى قولدانۋ فاكتىسى تۋرالى مالىمەت الىعان كۇننەن باستاپ 30 كۇنتىزبەلىك كۇننەن كەشىكتىرمەي اياقتالادى. 20. دوپينگكە قارسى قاعيدانى بۇزعانى ءۇشىن ايىپتالعان سپورتشى ونىڭ جازباشا ەرىك ءبىلدىرۋى بويىنشا كوميسسيانىڭ وتىرىسىنا قاتىسادى. 23. كوميسسيانىڭ شەشىمىنە اپپەلياتسيالىق شاعىم كوميتەتكە 10 كۇنتىزبەلىك كۇن ىشىندە ۇسىنىلادى. 22. كوميتەت كوميسسيانىڭ شەشىمىنە اپپەلياتسيالىق شاعىمدى 15 كۇنتىزبەلىك كۇن ىشىندە قارايدى. 23. كوميسسيانىڭ سپورتشىلاردىڭ, سونداي-اق جاتتىقتىرۋشىلاردىڭ, دەنە شىنىقتىرۋ جانە سپورت سالاسىنداعى وزگە دە مامانداردىڭ دوپينگكە قارسى قاعيدانى بۇزعانى تۋرالى شەشىمى وسى قاعيدانىڭ 21-تارماعىندا كورسەتىلگەن مەرزىم اياقتالعان جاعدايدا جانە كوميتەتتىڭ اپپەلياتسيالىق شاعىمدى قاراستىرۋ ناتيجەلەرى بويىنشا سانكتسيالار قابىلداۋ ءۇشىن سپورت فەدەراتسياسىنا جولدانادى. 24. سپورت فەدەراتسياسى كوميسسيا شەشىمىنىڭ نەگىزىندە 5 كۇنتىزبەلىك كۇن ىشىندە سانكتسيالار. سونىڭ ىشىندە سپورتتىق جارىستارعا قاتىساتىن سپورتشىلارعا جانە جانۋارلارعا كاتىستى سپورتتىق جارىستان شەتتەتۋدى قابىلدايدى جانە بۇل تۋرالى كوميتەتكە, ۇدقو, ءتيىستى سپورت ءتۇرى بويىنشا حالىقارالىق سپورت فەدەراتسياسىنا حابارلايدى. 25. سپورتتىق جارىستاردى ۇيىمداستىرۋشىلار جانە سپورت فەدەراتسيالارى دوپينگتى پايدالانۋدى بولدىرماۋ بويىنشا ناسيحاتتى جۇزەگە اسىرادى. 26. دوپينگ-باقىلاۋ جۇرگىزەتىن زەرتحانالار زەرتتەۋلەردى جۇزەگە اسىراتىن مامانداردىڭ كاسىبي ءبىلىمىن جەتىلدىرۋدى جانە ولاردىڭ بىلىكتىلىگىن ارتتىرۋدى قامتاماسىز ەتەدى. 27. سپورتتا دوپينگتى بولدىرماۋعا جانە ونىمەن كۇرەسكە باعىتتالعان عىلىمي زەرتتەۋ شەڭبەرىندە عىلىمي الماسۋلار, ماستەر-كلاستار. ترەنينگتەر, وزدىگىنەن ءبىلىم الۋلار, ءىس-تاجىريبەدە ۇيرەنۋلەر (جۇمىس ورنىندا ماشىقتانۋ) بويىنشا ءىس-شارالار وتكىزىلەدى. 28. ۇدقو حالىقارالىق ۇيىمدارمەن بىرگە سپورتشىلاردىڭ جۇمىسقا قابىلەتتىلىگىن قالپىنا كەلتىرۋ قۇرالدارى مەن ادىستەرىن ازىرلەۋ بويىنشا عىلىمي زەرتتەۋلەر جۇرگىزەدى. 29. دەنە شىنىقتىرۋ-سپورت ۇيىمدارى دوپينگ-باقىلاۋ جۇرگىزۋ شارتتارىن بۇزعانى ءۇشىن قازاقستان رەسپۋبليكاسىنىڭ زاڭىندا بەلگىلەنگەن جاۋاپكەرشىلىككە تارتىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 21 قازانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 9812 بولىپ ەنگىزىلدى.