«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ شىمكەنت قالالىق فيليالى قالادا دۇنيەگە كەلگەن سابيلەرگە قويىلاتىن ەڭ تانىمال ەسىمدەر تۋرالى قىزىقتى مالىمەت ۇسىندى.
سوڭعى جىلدارى اتا-انالاردىڭ تالعامى وزگەرىپ, بالالارعا شىعىستىق ۇلگىدەگى ادەمى ەسىمدەردى ءجيى قوياتىن بولعان. ماسەلەن, بۇل كۇندەرى قىزدارعا – مارۋا, حاديا, ايسافي, ال ۇلدارعا – ومار, ءابۋ باكىر, يبراحيم ەسىمدەرىن كوبىرەك قويا باستادى.
سونىمەن قاتار قازاقى ءداستۇرلى ەسىمدەر دە ءوز ماڭىزىن جوعالتپاي كەلەدى. قىزدار اراسىندا – كوركەم, اياۋلىم, ايكوركەم, ال ۇلدار اراسىندا – ەرتۇلعا, امىرە, دارىن ەسىمدەرى ءجيى كەزدەسەدى.
ء«ار ەسىم – اتا-انانىڭ جۇرەك قالاۋىنان تۋعان ەرەكشە تاڭداۋ. ول بالانىڭ بولاشاقتاعى بەينەسىن قالىپتاستىرۋدا ۇلكەن ءرول اتقارادى», – دەپ اتاپ ءوتتى «ازاماتتارعا ارنالعان ۇكىمەت» مەملەكەتتىك كورپوراتسياسى شىمكەنت قالالىق فيليالىنىڭ ديرەكتورى اينۇر توباەۆا.
ايتا كەتسەك, تۋ تۋرالى كۋالىكتى راسىمدەۋدى قازىر ونلاين تۇردە دە جاساۋعا بولادى. 2025 جىلدىڭ باسىنان بەرى شىمكەنتتە 20 مىڭنان استام نارەستەگە تۋ تۋرالى كۋالىك بەرىلگەن.
