قر ءىىم ۇلتتىق ۇلانىنىڭ باس قولباسشىلىعىنىڭ قۇجاتتامالىق قامتاماسىز ەتۋ باسقارماسىنىڭ اعا وفيتسەرى رۇستەم بايكال ۇلى ەگدە جاستاعى ەر ادامنىڭ ءۇي اۋلاسىنداعى ورىندىقتا سۇلەسوق جانە ەڭكەيىپ وتىرعانىن بايقاعان. باسىن سۇيەپ, قوزعالا الماي وتىرعان ازاماتقا اسكەري قىزمەتشى كەلىپ, جاعدايىن سۇراعان. ال ول قان قىسىمى كوتەرىلگەنىن جانە كومەك كەرەگىن ارەڭ جەتكىزگەن.
«قان قىسىمى بويىنشا ماسەلە بارىن ءتۇسىنىپ, سىرت كيىمىن شەشىپ, بىردەن دارىحاناعا جۇگىردىم. فارماتسەۆتىڭ كەڭەسىمەن قاجەتتى ءدارىنى الىپ, سىرقات كىسىگە بەردىم. ىلە جەدەل جاردەم شاقىرىپ, ناۋقاستى سولارعا تاپسىردىم. ولار قالاي العاشقى كومەك كورسەتكەنىمدى جانە قانداي ءدارى بەرگەنىمدى سۇرادى. ءبارىن تۇسىندىرگەن سوڭ مەديتسينا قىزمەتكەرلەرى دۇرىس ارەكەت جاساعانىمدى ايتتى. ەگەر دەر كەزىندە نازار اۋدارىپ, ءدارى-دارمەك بەرمەگەندە ناۋقاستىڭ ومىردەن ءوتىپ كەتۋى دە مۇمكىن ەكەن», – دەدى كاپيتان رۋستەم ابىشەۆ.
وسىلايشا, ۇلاندىق اسكەري قىزمەتشىنىڭ جەدەل ارەكەتى جازاتايىم وقيعانى بولدىرماۋعا سەپتىگىن تيگىزدى.
ايتا كەتەيىك, ر. ابيشەۆ ۇلتتىق ۇلان ساپىندا 2007 جىلدان بەرى قىزمەت اتقارىپ كەلەدى. وفيتسەر وسىدان 10 جىل بۇرىن دا ادام ءومىرىن امان الىپ قالعان بولاتىن. ول كەزدە ول وسكەمەن قالاسىندا دەمىكپەسى ۇستاپ قالعان كولىك جۇرگىزۋشىسىنە دەر كەزىندە العاشقى كومەك كورسەتكەن.
