ءبىر ساحنادا ءداستۇرلى ءاننىڭ ارقا مەكتەبى, جەتىسۋ ءان مەكتەبى, سىر ءوڭىرى ءان مەكتەبى, التاي-تارباعاتاي ءان مەكتەبى جانە باتىس قازاقستان ءان مەكتەبى سىندى بەس مەكتەپ ونەر كورسەتتى. ءار مەكتەپ وزىنە ءتان تەمبرىمەن, ناقىشىمەن جانە ورىنداۋ مانەرىمەن ەرەكشەلەنەدى. وسى ارقىلى كورەرمەن ۇلتتىق مۋزىكالىق مۇرانىڭ الۋان ءتۇرىن تاماشالادى. بۇل كونتسەرتتەر قازاق مۋزىكاسىنىڭ رۋحى ساقتالىپ, زاماناۋي تىڭدارمان ءۇشىن جاڭا قىرىنان اشىلىپ كەلە جاتقانىن ايقىن كورسەتتى.
كەش ء«ان قاناتىنداعى الماتى» اتتى ءداستۇرلى مۋزىكاعا ارنالعان باعدارلامامەن باستالدى. رامازان ستامعازيەۆ, ساۋلە جانپەيىسوۆا, ەركىن شۇكىمانوۆ, ارداق يساتاەۆا جانە باسقا دا قازاقتىڭ ءداستۇرلى ونەر شەبەرلەرى ساحنا تورىندە كورەرمەنمەن قاۋىشتى. ال «سازگەن سازى» فولكلورلىق-ەتنوگرافيالىق ءانسامبلى كونتسەرتتىڭ اجارىن اشا ءتۇستى. رەپەرتۋارىنداعى كۇيلەر, تەرمەلەر مەن حالىق اندەرى ورىندالدى.
مەرەكەلىك كوڭىل-كۇيدى زاماناۋي تەاترلاندىرىلعان «QAZAQSHA تەراپيا: عاسىرلار ءۇنى» جوباسى جالعاستىردى. بۇل قويىلىمدى اكتەر اسەت ەسجان مەن «الاتاۋ» ءداستۇرلى ونەر تەاترىنىڭ ارتيستەرى ساحنالاپ, قازاق مادەنيەتىنىڭ باي ءداستۇرىن جاڭا ساحنالىق جانە كوركەمدىك شەشىمدەرمەن ۇشتاستىردى.
الماتى
