بايقاۋ مەگاپوليستىڭ 11 مەملەكەتتىك كوللەدجى بازاسىندا وتكىزىلىپ, بۇگىندە سۇرانىسقا يە باعىتتاردى قامتيدى. اتاپ ايتساق, ولار ەلەكترمونتاج جۇمىستارى, ۆەب-تەحنولوگيالار, موبيلوگرافيا, «اقىلدى ءۇي» تەحنولوگيالارى, گرافيكالىق ديزاين, اسپازدىق ءىس, مەيرامحانا سەرۆيسى, ناۋبايشىلىق شەبەرلىك, ءسان ونەرى, شاشتاراز ءىسى, اۆتوكولىكتى جوندەۋ جانە قىزمەت كورسەتۋ.
الماتى ۇيىمداستىرۋشى عانا ەمەس, جاستار ءۇشىن ناعىز تارتىلىس ورتالىعىنا اينالدى. مۇندا جاس تالانتتاردىڭ الەۋەتىن اشۋعا جانە جاڭا بۋىن ماماندارىن قالىپتاستىرۋعا جاعداي جاسالىپ وتىر. «JasSkills Kazakhstan – 2025» بايقاۋى مەگاپوليستىڭ ءبىلىم بەرۋ مەن كاسىبي دايارلىق سالاسىنداعى يننوۆاتسيالار مەن كوشباسشىلىق باستامالار قالاسى رەتىندەگى مارتەبەسىن ايقىنداي ءتۇستى.
«بۇرىن جاستار نەگىزىنەن ەكونوميست پەن زاڭگەر ماماندىقتارىنا قىزىعاتىن, ال بۇگىندە «اسپازدىق ءىس», «گرافيكالىق ديزاين», «موبيلوگرافيا» باعىتتارىنا سۇرانىس ارتتى. بۇل ءبىزدى قاتتى قۋانتادى. وسىنداي بايقاۋلار وقۋشىلارعا بولاشاق ماماندىعىن تەزىرەك تاڭداۋعا كومەكتەسەدى», – دەدى الماتى مەملەكەتتىك بيزنەس-كوللەدجىنىڭ ديرەكتورى اينۇر مۇقاجانوۆا.
چەمپيونات اياسىندا «مەنىڭ بولاشاق ماماندىعىم» جارمەڭكەسى دە ءوتتى. وندا الماتىلىق مەكتەپتەردىڭ 2200-دەن استام وقۋشىسى كوللەدجدەرمەن, ءبىلىم بەرۋ باعدارلامالارىمەن تانىسىپ, جەتەكشى مامانداردىڭ شەبەرلىك دارىستەرىنە قاتىستى.
«JasSkills Kazakhstan – 2025» بايقاۋى سايىس الاڭى عانا ەمەس, الماتىنى جاستارعا جاڭا مۇمكىندىكتەر ۇسىناتىن قالا رەتىندە دامىتۋعا, تالانت, ەڭبەك پەن امبيتسيانى قولداپ, ەلدىڭ دامۋىنا ۇلەس قوسقان قالاعا اينالدىرۋعا جاسالعان تاعى ءبىر قادام بولدى.
الماتى
