2025 جىلدىڭ باسىنان بەرى كورپوراتسيا مەملەكەتتىك ورگانداردىڭ قىزمەتكەرلەرىنە كاسىبي داعدىلارىن دامىتۋعا, ساپالى ءارى اشىق مەملەكەتتىك قىزمەت كورسەتۋگە مۇمكىندىك بەرەتىن بىرقاتار وقىتۋلاردى ىسكە اسىرۋدا.
اتالعان كەزەڭدە كورپوراتسيانىڭ فرونت-وفيستەرىندە مەملەكەتتىك ورگان وكىلدەرىنىڭ قاتىسۋىمەن 43 وقىتۋ ءىس-شاراسى وتكىزىلدى. بۇل سەمينارلار تاجىريبە الماسۋعا, بىرىڭعاي جۇمىس ستاندارتتارىن قالىپتاستىرۋعا جانە قىزمەت كورسەتۋدىڭ جاڭا تاسىلدەرىن ەنگىزۋگە ىقپال ەتتى.
سونداي-اق, 4-5 قىركۇيەك كۇندەرى استانادا «تانىم» كورپوراتيۆتىك وقۋ ورتالىعى ەكى كۇندىك سەمينار وتكىزدى. باعدارلاما kenes1414 جانە «ە-ءوتىنىش» ءبىلىم بازالارىمەن جۇمىس, ىشكى پروتسەستەردى وڭتايلاندىرۋ جانە ەلەكتروندىق ۇكىمەت پورتالىنىڭ سەرۆيستەرىن پايدالانۋ ماسەلەلەرىن قامتىدى.
سەمينارعا باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ وكىلدەرى قاتىسىپ, مەملەكەتتىك ورگاندارداعى وتىنىشتەردى تىركەۋ مەن ەسەپكە الۋ ءتارتىبىن ءتۇسىندىردى. سونىمەن قاتار, ادىلەت مينيسترلىگىنىڭ ماماندارى اكىمشىلىك راسىمدىك-پروتسەستىك كودەكستىڭ قولدانىلۋى بويىنشا تۇسىندىرمە جۇمىستارىن جۇرگىزدى. پراكتيكالىق بولىمدە قاتىسۋشىلار «ە-ءوتىنىش» جۇيەسى ارقىلى ازاماتتاردىڭ وتىنىشتەرىمەن جۇمىس ىستەۋدى ۇيرەندى.
ءىس-شارا قورىتىندىسى بويىنشا قاتىسۋشىلارعا «ە-ءوتىنىش: ازاماتتاردىڭ وتىنىشتەرىمەن جۇمىس ىستەۋ ادىستەمەسى مەن تاجىريبەسى» باعدارلاماسىن اياقتاعانى تۋرالى سەرتيفيكاتتار تابىستالدى.
وسىلايشا, ءبىلىم بەرۋ باعدارلامالارىن دامىتۋ مەملەكەتتىك كورپوراتسيا جۇمىسىنىڭ ماڭىزدى باعىتىنا اينالىپ وتىر. بۇل مەملەكەتتىك قىزمەتتەردىڭ ساپاسىن ارتتىرۋعا, قىزمەتكەرلەردىڭ كاسىبي دامۋىنا جانە زاماناۋي تاجىريبەلەردى ەنگىزۋگە ىقپال ەتەدى.
