فوتو: تسم
دەلەگاتسيا قۇرامىندا تۋريزم جانە سپورت ءمينيسترى ەربول مىرزابوسىنوۆ, سونداي-اق قۇرىلىس كومپانياسىنىڭ وكىلدەرى بولدى.
وقۋ ورنىنىڭ قۇرىلىسى مەملەكەت باسشىسىنىڭ سپورت ينفراقۇرىلىمىن دامىتۋ جونىندەگى تاپسىرمالارىن ورىنداۋ اياسىندا جۇرگىزىلىپ جاتىر.
بۇگىنگى تاڭدا كوپفۋنكتسيونالدى كەشەندە قۇرىلىس-مونتاج جۇمىستارى تولىق اياقتالىپ, نىساننىڭ ءبىر بولىگى پايدالانۋعا بەرىلگەن. ءبىرىنشى كەزەڭ اياسىندا كوللەدجدىڭ وقۋ عيماراتى, 500 ورىندىق جاتاقحانا, تريبۋنانىڭ استىنداعى بولمەلەر, جابىق جەڭىل اتلەتيكالىق مانەج, باسسەين جانە كوپفۋنكتسيونالدى كەشەن قاراستىرىلعان.
ەكىنشى كەزەڭ اياسىندا عىلىمي-زەرتتەۋ ورتالىعى بار ۋنيۆەرسيتەت عيماراتىن, 1 مىڭ ورىندىق جاتاقحانانى, مەديتسينالىق-ساۋىقتىرۋ ورتالىعىن, وقىتۋشىلارعا ارنالعان تۇرعىن ءۇي كورپۋسىن جانە ستاديوندى پايدالانۋعا بەرۋ جوسپارلانعان. قۇرىلىس جۇمىستارىن بيىل جىل سوڭىنا دەيىن اياقتاۋ جوسپارلانعان.
تەكسەرۋ قورىتىندىسى بويىنشا ۆيتسە-پرەمەر سپورت نىسانىنا ينجەنەرلىك-كوممۋنيكاتسيالىق ينفراقۇرىلىم مەن جەتكىزۋ جەلىلەرىن تارتۋ جونىندە ءتيىستى تاپسىرمالار بەردى.
