ويتكەنى اتالعان وڭىردە بەيبىت تۇرعىنداردىڭ ومىرىنە تىكەلەي قاۋىپ ءتونىپ وتىر. ايەلدەر مەن بالالاردىڭ, قارتتاردىڭ ءومىرى قيىلىپ, بەيكۇنا جاندار جازىقسىز زارداپ شەگىپ جاتىر. بۇل – ادام قۇقىقتارى مەن حالىقارالىق قۇقىق نورمالارىنا قايشى كەلەتىن اۋىر جاعداي. مۇنداي ساتتە الەمدىك قاۋىمداستىقتىڭ ءۇنسىز قالۋى – ادامزاتتىڭ ورتاق قۇندىلىقتارىنا نەمقۇرايدىلىق تانىتقانمەن پارا-پار.
سوندىقتان دا بارلىق مۇددەلى تاراپ گازاداعى اسكەري ارەكەتتەردى توقتاتۋ, بەيبىت تۇرعىنداردى قورعاۋ جانە گۋمانيتارلىق كومەكتى كەدەرگىسىز جەتكىزۋ بويىنشا ناقتى ءارى پارمەندى قادامدارعا بارۋى قاجەت. باسىپ الۋ مەن زورلىق-زومبىلىقتى توقتاتۋ – بارشا الەم الدىندا تۇرعان ورتاق مىندەت.
پالەستينا حالقىنىڭ ءوزىن-ءوزى باسقارۋ قۇقىعى مەن قاۋىپسىز ءومىر سۇرۋگە دەگەن تالپىنىسى – حالىقارالىق قۇقىق پەن ادىلەتتىڭ تالاپتارىنا ساي كەلەدى. بۇل ماسەلەگە ساياسي تۇرعىدان عانا ەمەس, ەڭ الدىمەن ادامزاتتىق كوزقاراسپەن قاراۋ كەرەك.
بۇگىنگى الەمدىك جانە ءداستۇرلى دىندەر كوشباسشىلارى سەزى سەكىلدى اۋقىمدى جيىنداردىڭ پايداسى تيەدى دەپ سانايمىن. وسى ورايدا حالىقارالىق قاۋىمداستىقتى ورتاق جاۋاپكەرشىلىك پەن ادىلەت قاعيداتتارى اياسىندا ارەكەت ەتۋگە شاقىرامىز. بۇل باعىتتاعى باستامالار ءوز ناتيجەسىن بەرىپ, گازادا بەيبىتشىلىك پەن تۇراقتىلىق قايتا ورنايدى دەگەن سەنىمدەمىز. ويتكەنى ادام ومىرىنەن, ادامگەرشىلىك پەن ار-ۇجداننان ارتىق قۇندىلىق جوق.
كادير دينچ,
تۇركيا رەسپۋبليكاسى ءدىن ىستەرى باسقارماسى توراعاسىنىڭ ورىنباسارى
