فوتو: canva
1 قازانعا دەيىن م ۇلىك سالىعىن تولەمەسەڭىز, ءوسىمپۇل قوسىلادى
كوميتەتتىڭ مالىمەتىنشە, م ۇلىك سالىعى "ازاماتتارعا ارنالعان ۇكىمەت" مەملەكەتتىك كورپوراتسياسى ايقىندايتىن سالىق سالۋ وبەكتىلەرىنىڭ قۇنى مەن مەنشىك قۇقىعى يەلەنگەن مەرزىمگە بايلانىستى ەسەپتەلەدى.
سالىق سوماسى كورسەتىلگەن حابارلامالار شىلدە ايىندا مەنشىك يەلەرىنە جولدانعان, ال بانكتەردىڭ ءموبيلدى قوسىمشالارىن پايدالانۋشىلارعا PUSH-حابارلامالار ارقىلى جەتكىزىلگەن.
مەملەكەتتىك كىرىستەر كوميتەتى 2025 جىلدىڭ 2 قازانىنان باستاپ م ۇلىك سالىعىن ۋاقىتىلى تولەمەگەن ازاماتتارعا ءوسىمپۇل ەسەپتەلەتىنىن جانە بەرەشەك تۋرالى حابارلامالار جولداناتىنىن مالىمدەدى. ال 14 قاراشادان باستاپ, بەرەشەك سوماسى 1 اەك-تەن اسقان جاعدايدا ازاماتتارعا سالىقتىق بۇيرىقتار جولدانىپ, 5 جۇمىس كۇنى ىشىندە تولەنبەسە, ءىس جەكە سوت ورىنداۋشىلارىنا جىبەرىلەدى.
"اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى" زاڭعا سايكەس, سوت ورىنداۋشىلارى بورىشكەرلەردىڭ بانك شوتتارىنا جانە مۇلكىنە تىيىم سالۋعا, م ۇلىكتى ساتۋعا, ءتىپتى قازاقستاننان شىعۋعا شەكتەۋ قويۋعا قۇقىلى. ەگەر بەرەشەك 40 اەك-تەن اسىپ كەتسە, ازاماتتىڭ شەتەلگە شىعۋىنا تىيىم سالىنۋى مۇمكىن.
سونىمەن قاتار, 2024 جىلعى 19 تامىزدان باستاپ سالىقتىق مىندەتتەمەلەردى ماجبۇرلەپ ورىنداتۋدىڭ جەڭىلدەتىلگەن ءتارتىبى كۇشىنە ەنگەن. ەگەر بەرەشەك 20 اەك-تەن كەم بولسا, ول اۆتوماتتى تۇردە وندىرىلەدى: بانك شوتتارىنا بۇعات قويىلادى, م ۇلىككە قاتىستى وپەراتسيالار شەكتەلەدى. بۇل رەتتە جەكە سوت ورىنداۋشىسىنىڭ قىزمەتىن تولەۋ تالاپ ەتىلمەيدى.
ازاماتتار وزدەرىنىڭ سالىق بەرەشەگى تۋرالى مالىمەتتى e-Salyq Azamat قوسىمشاسى نەمەسە ەكىنشى دەڭگەيلى بانكتەردىڭ ءموبيلدى قوسىمشالارى ارقىلى تەكسەرە الادى.
مەملەكەتتىك كىرىستەر كوميتەتى قازاقستاندىقتاردى جەكە سوت ورىنداۋشىلارعا ءىس تۇسپەي تۇرىپ, م ۇلىك سالىعىن ۋاقىتىندا تولەۋگە شاقىردى.
