12 قىركۇيەكتە شۋ اۋدانىنا قاراستى كوكقاينار اۋىلىندا قايعىلى وقيعا بولدى. فۋتبول ويناپ جۇرگەن 10-سىنىپ پەن 11-سىنىپ وقۋشىلارى اراسىندا جانجال تۋىنداعان: كىشى سىنىپ وقۋشىلارى جەڭىسكە جەتىپ, بۇل جاعداي ۇلكەندەردىڭ ءبىرىنىڭ اشۋىنا تيگەن.
سالدارىنان 11-سىنىپ وقۋشىلارىنىڭ ءبىرى 10-سىنىپ وقۋشىسىن ۇرىپ-سوققان. وقيعا ورنىنا كەلگەن دارىگەرلەر ءجاسوسپىرىمنىڭ العان جاراقاتتارىنان قازا تاپقانىن راستادى. قالعان قاتىسۋشىلارمەن پروفيلاكتيكالىق اڭگىمەلەر جۇرگىزىلدى.
وقيعانى تەرگەۋ ءۇشىن بالا قۇقىقتارى جونىندەگى ۋاكىلدىڭ قاتىسۋىمەن ارنايى كوميسسيا قۇرىلدى. جەدەل-ىزدەستىرۋ شارالارى بارىسىندا پوليتسيا 17 جانە 16 جاستاعى ەكى ءجاسوسپىرىمدى ۇستاپ, ۋاقىتشا ۇستاۋ يزولياتورىنا قامادى.
– قازىرگى ۋاقىتتا ءىستى تولىق, وبەكتيۆتى جانە جان-جاقتى تەرگەۋگە باعىتتالعان بارلىق قاجەتتى جەدەل-تەرگەۋ ءىس-شارا جۇرگىزىلىپ جاتىر. قر قپك-ءنىڭ 201-بابىنا سايكەس, تەرگەۋ مۇددەسىنە بايلانىستى باسقا مالىمەتتەر جاريا ەتىلمەيدى, – دەپ حابارلادى جامبىل وبلىسى پوليتسيا دەپارتامەنتىنىڭ ءباسپاسوز قىزمەتى.
