قازۇمۋ كونسورتسيۋمىنىڭ قۇرامىنا قاراستى كارديولوگيا جانە ىشكى اۋرۋلار عزي-دە رەسپۋبليكالىق ەندوكرينولوگيا جانە قانت ديابەتى قۇزىرەتتەرى ورتالىعىنىڭ سالتاناتتى اشىلۋى ءوتتى. ءىس-شاراعا قر دەنساۋلىق ساقتاۋ ءمينيسترى اقمارال ءالنازاروۆا, س. د. اسفەندياروۆ اتىنداعى قازۇمۋ رەكتورى مارات شورانوۆ, الماتى قالاسىنىڭ قدب باسشىسى مارات پاشيموۆ جانە ەلدىڭ جەتەكشى ماماندارى قاتىستى.
قازىرگى تاڭدا قانت ديابەتى - ەڭ كوكەيكەستى سيپاتقا يە الەۋمەتتىك اۋرۋلاردىڭ ءبىرى.
حالىقارالىق قانت ديابەتى فەدەراتسياسىنىڭ مالىمەتتەرى بويىنشا الەمدە 589 ميلليون ادام قانت ديابەتىمەن ءومىر سۇرەدى, ال 2050 جىلعا قاراي ولاردىڭ سانى 853 ميلليونعا جەتەدى, دەگەن دەرەك بار.
ال قازاقستاندا 544 684 پاتسيەنت تىركەلگەن, ونىڭ ىشىندە 6 مىڭنان استام بالا بولسا, 2 ءتيپتى قانت ديابەتى جاعدايلاردىڭ 95%-ىن قۇرايدى.
جاڭا ورتالىقتىڭ ەرەكشەلىگى نەدە دەسەك, ورتالىق ەندوكريندىك اۋرۋلارى بار پاتسيەنتتەرگە كەشەندى كومەك كورسەتۋ ءۇشىن قۇرىلعان جانە زاماناۋي جابدىقتارمەن جاراقتالعان.
ەندوكرينولوگ كابينەتى - ەندوكريندىك پاتولوگيالاردى دياگنوستيكالاپ, ەم-دوم جۇرگىزەدى.
جاڭا مەديتسينالىق ورتالىق دەنساۋلىق ساقتاۋ مينيسترلىگىنىڭ قولداۋىمەن جانە سولتۇستىك ەۋروپاداعى ەڭ ءىرى ديابەت ورتالىعى – Steno Diabetes Center-مەن (كوپەنگاگەن) تاجىريبە الماسۋدىڭ ارقاسىندا جۇزەگە استى.
وزىق تەحنولرگيالارمەن جابدىقتالعان ورتالىق - قازاقستاننىڭ ەندوكرينولوگيالىق قىزمەتىن نىعايتىپ, مىڭداعان پاتسيەنتتەردىڭ دەنساۋلىعىنا قامقورلىق جاساۋعا باعىتتالعان ماڭىزدى قادامنىڭ ءبىرى.
