قاداعالاۋشى ورگاننىڭ بەرگەن تۇسىنىكتەمەسىندە ونىڭ الماتى اۋەجايىندا ماس كۇيىندەگى جانجال شىعارعانى ءۇشىن ۇستالعانى ايتىلادى.
باس پروكۋروردى ءىىم كولىكتەگى پوليتسيا دەپارتامەنتىنىڭ اۋەجايداعى پوليتسيا ءبولىمىنىڭ قىزمەتكەرلەرى بايقاعان.
– بۇل دەرەك بويىنشا قىزمەتتىك تەكسەرىس جۇرگىزىلىپ جاتىر. ونىڭ قورىتىندىسى بويىنشا قىزمەتكەرگە قاتىستى ءتيىستى شارالار قابىلدانادى, – دەپ اقپارات تاراتتى ماڭعىستاۋ وبلىسىنىڭ پروكۋراتۋراسى.
ە.ءابدىروۆ 1977 جىلى دۇنيەگە كەلگەن, وعان قاتىستى قر اقبتك-ءنىڭ 440-بابى 1-بولىگى ("الكوگولدىك ىشىمدىكتەردى ءىشۋ نەمەسە قوعامدىق ورىندارعا ماس كۇيىندە كەلۋ") جانە 434-بابى 1-بولىگى ("قوعامدىق ورىنداردا بىلاپىت سوزدەر ايتۋ, ازاماتتارعا ءتيىسۋ جانە باسقا دا قوعامدىق ءتارتىپ پەن ادامداردىڭ تىنىشتىعىن بۇزاتىن ارەكەتتەر") بويىنشا اكىمشىلىك قۇقىقبۇزۋشىلىق تۋرالى حاتتاما تولتىرىلعانى بەلگىلى بولىپ وتىر.
