كيبەرقىلمىسقا قارسى ءىس-قيمىل قىزمەتكەرلەرى بيىلعى 1 ماۋسىم - 10 شىلدە ارالىعىندا «تيك-توكتا» «Oncharge» دۇكەنى اتىنان جارناما جاريالاپ كەلگەن قىلمىستىق توپتى انىقتاعان.
- جۇرگىزىلگەن جەدەل-ىزدەستىرۋ ءىس-شارالارى بارىسىندا قىلمىستىق توپتىڭ ۇيىمداستىرۋشىلارى انىقتالدى. ولار - پاۆلودار قالاسىنىڭ 17 جانە 19 جاستاعى ءۇش تۇرعىنى. ۇستالعاندار ۇيالى تەلەفونداردى ساتۋ تۋرالى حات الماسۋلار جۇرگىزگەن. سونداي-اق, الدانعان ازاماتتاردىڭ اقشالاي قاراجاتى اۋدارىلعان دروپپەرلەر دە انىقتالدى,- دەپ حابارلادى پاۆلودار وبلىسى پوليتسيا دەپارتامەنتى كيبەرقىلمىسقا قارسى باسقارماسىنىڭ باستىعى اسحات ابەتجانوۆ.
قازىرگى ۋاقىتتا اتالعان توپتىڭ ارەكەتىنەن زارداپ شەككەن 18 جابىرلەنۋشى بەلگىلى بولدى, ولار ءارتۇرلى وبلىستاردا تۇرادى. ۇستالعاندارعا قاتىستى قر قىلمىستىق كودەكسىنىڭ «الاياقتىق» بابى بويىنشا ءىس قوزعالىپ, سوتقا دەيىنگى تەرگەۋ جۇرگىزىلىپ جاتىر.
پاۆلودار وبلىسى
