سەناتور بەكبولات ورىنبەكوۆتىڭ ايتۋىنشا, بۇگىندە ينۆەستيتسيا تارتۋ ماسەلەسى قارقىندى ءوسىپ كەلەدى. الايدا پرەزيدەنت جولداۋىندا اتاپ وتكەندەي, ەڭ كۇردەلى ماسەلە – ءوندىرىستى دامىتۋ.
«قىتايعا بارعان ساپار بارىسىندا مەملەكەتارالىق كەلىسىمدەر جاسالىپ, الاتاۋ سيتي جوباسى بويىنشا ناقتى شەشىمدەر قابىلداندى. بۇل تسيفرلىق قالا رەتىندە داميتىن بولادى. سونداي-اق مەملەكەت باسشىسى ايتقانداي, شەتەلدىك ينۆەستيتسيا تارتۋدىڭ ماڭىزدى باعىتىنىڭ ءبىرى – سالىقتىق جەڭىلدىكتەر», دەدى سەناتور.
ورىنبەكوۆ پرەزيدەنتتىڭ جولداۋىندا جاپپاي تسيفرلاندىرۋعا ەرەكشە نازار اۋدارىلعانىن اتاپ ءوتتى. ونىڭ ايتۋىنشا, بۇل باعىت ءاربىر مينيسترلىك پەن اكىمدىكتىڭ جۇمىسىنا تىكەلەي قاتىستى.
«جاساندى ينتەللەكتىنى ەنگىزۋ ماسەلەسى دە وتە وزەكتى. ال جالپى جولداۋدىڭ نەگىزگى باعىتتارى ايقىندالدى. مەملەكەت باسشىسى الەۋمەتتىك سالاعا دا كەڭىنەن توقتالدى», دەدى بەكبولات ورىنبەكوۆ.
