فوتو: اشىق دەرەككوز
«بيۋدجەتتەن قوماقتى قارجى ءبولىنىپ جاتقانىنا قاراماستان, اگرارلىق عىلىمنىڭ قايتارىمى ءالى دە تومەن. عىلىمي ازىرلەمەلەردى كوممەرتسيالاندىرۋ دەڭگەيى 17 پايىزدان اسپايدى. ال, ءتيىستى وقۋ ورىندارىن تامامداعان تۇلەكتەردىڭ نەبارى 40 پايىزى عانا سالادا ەڭبەك ەتەدى. اگروعىلىم مەن جەردەگى تىرشىلىكتىڭ اراسىندا الشاقتىق بار», دەدى پرەزيدەنت.
قاسىم-جومارت توقاەۆ بۇعان دەيىن ۇلتتىق اگرارلىق عىلىمي-ءبىلىم بەرۋ ورتالىعىن اگروتەحنولوگيا حابى رەتىندە قايتا قۇرۋ تۋرالى تاپسىرما بەرگەنىن ەسكە سالدى. ەندىگى باستى مىندەت – اۋىل شارۋاشىلىعى عىلىمىن دامىتۋدىڭ ناقتى جوسپارىن ازىرلەۋ.
«بۇل قۇجات تسيفرلىق تەحنولوگيالاردى قولدانۋعا جانە سالانىڭ ونىمدىلىگىن ەداۋىر ارتتىرۋعا ارنالعان جوسپار بولۋعا ءتيىس», دەدى مەملەكەت باسشىسى.
پرەزيدەنت ۆەتەريناريا مەن فيتوپاتولوگيانىڭ كەنجەلەپ قالۋىنا دا ەرەكشە نازار اۋداردى. ونىڭ ايتۋىنشا, وسى ولقىلىقتار اگروونەركاسىپ كەشەنىنىڭ باسەكەگە قابىلەتىن ايتارلىقتاي شەكتەپ وتىر.
