اياز رۋدنىيعا ءۇش كۇن «سىيلادى» (فوتو, ۆيدەو)

استانا. 18 اقپان. قوستاناي وبلىسى رۋدنىي قالاسىنىڭ تۇرعىنى گەننادي زۋەۆ اسپاندا قاتار تۇرعان ءۇش كۇندى فوتواپپاراتقا ءتۇسىرىپ الىپ, «ودنوكلاسنيكي» الەۋمەتتىك جەلىسىنە ورنالاستىرعان. بۇل تۋرالى alau.kz سايتى حابارلادى.

فوتواۋەسقوي تۇسىرگەن سۋرەتتەرىنىڭ استىنا بۇل كورىنىسكە قاشان تاپ بولعان ۋاقىتىن جازىپ قويىپتى. وندا بۇل مەرزىمنىڭ 5 اقپان ەكەنى كورسەتىلگەن.

استرونومدار كوك جۇزىندە ءبىر مەزگىلدە ءۇش كۇننىڭ كورىنۋ قۇبىلىسىن «گالو اسەرى» دەپ اتايدى. مۇنداي جاعداي اشىق ايازدى كۇنى كەزىگەدى ەكەن. «سونداي كەزدەردە اۋادا مۇزدان جاسالعان, جاي ادامنىڭ كوزىنە كورىنبەيتىن التى قىرلى شاعىن كريستالدار پايدا بولادى. كۇننىڭ ساۋلەسى سولاردى تەسىپ وتەدى. ناتيجەسىندە گالو وپتيكالىق اسەرى جاسالادى», - دەپ جازادى باسىلىم. http://youtu.be/4F88hB37NVo ايتقانداي, وسىنىڭ الدىندا تاپ وسىنداي كورىنىسكە رۋدنىيلىقتارداعى رەسەيدەگى كورشىلەرى - چەليابى وبلىسىنىڭ تۇرعىندارى دا كۋا بولىپتى. سول كۋالاردىڭ ءبىرى اتالعان كورىنىس بەينەلەنگەن ۆيدەونى Youtube حوستينگىنە Shuriksandr دەگەن نيكپەن سالىپتى. چەليابى جەرىنىڭ باسقا تۇرعىندارى الەۋمەتتىك جەلىلەرگە «ءۇش كۇن» سۋرەتتەرىن دە ورنالاستىرىپتى. مۇرات ايتقوجا.