وبلىستىق پوليتسيا دەپارتامەنتىنىڭ مالىمەتىنشە, وقيعا كەزىندە قىلمىسقا كۇدىكتى مەن جابىرلەنۋشى تاراپ (بالانىڭ اناسى – رەد.) بۇرىن جاقىن قارىم-قاتىناستا بولعان. كەيىن ولاردىڭ اراسىندا جانجال تۋىنداعان.
تەرگەۋ بولجامىنا سايكەس, جانجال كەزىندە كۇدىكتى ايەلدىڭ تۋعان باۋىرىنا اڭشى مىلتىعىنان وق اتقان. ەر ادام وقيعا ورنىندا كوز جۇمدى. قىلمىستان سوڭ كۇدىكتى جاس بالانى الىپ, بەلگىسىز باعىتقا قاشىپ كەتكەن.
«كۇدىكتىنىڭ جەكە باسى مەن جۇرگەن جەرى انىقتالدى. ونى ۇستاۋ بويىنشا جەدەل شارالار قابىلدانىپ جاتىر. سونىمەن قاتار بولعان وقيعانىڭ بارلىق ءمان-جايىن انىقتاۋ ءۇشىن كەشەندى تەرگەۋ امالدارى جۇرگىزىلۋدە», – دەپ مالىمدەدى پوليتسيادان.
قازىرگى ۋاقىتتا اتالعان فاكتىلەر بويىنشا كىسى ءولتىرۋ جانە بالا ۇرلاۋ دەرەكتەرى بويىنشا قىلمىستىق ىستەر قوزعالدى.
