فوتو: gov.kz
بىلتىر مينيسترلىك سۋ ۇنەمدەۋ تەحنولوگيالارىن ساتىپ الۋعا, ورناتۋعا جانە ينفراقۇرىلىمدى جۇرگىزۋگە جۇمسالعان شىعىنداردى وتەۋ ۇلەسىن 50%-دان 80%-عا دەيىن ۇلعايتقان. سونىمەن قاتار سۋارمالى سۋعا سارالانعان سۋبسيديالار ەنگىزىلدى. ەگەر سۋ ۇنەمدەۋ جۇيەلەرى قولدانىلسا, سۋبسيديا كولەمى 85%-عا دەيىن وسەدى.
«اپتاپ ىستىق پەن جاۋىن-شاشىننىڭ بولماۋى قازاقستاننىڭ وڭتۇستىگىندە كۇردەلى جاعداي تۋعىزدى. الايدا جەدەل قابىلدانعان شارالاردىڭ ارقاسىندا احۋالدى تۇراقتاندىرىپ, سۋارمالى جەرلەردى سۋمەن قامتاماسىز ەتە الدىق. مينيسترلىك ارنايى جۇمىس توپتارىن قۇرىپ, وڭتۇستىك وبلىستارداعى سۋ شارۋاشىلىعى جاعدايىنا مونيتورينگ جۇرگىزدى, سۋارمالى سۋدى ءادىل بولۋگە باقىلاۋ جاسادى, كەزەكشىلىك كەستەلەرىن بەكىتتى, زاڭسىز سۋ الۋعا قاتىستى تەكسەرىستەر جۇرگىزدى جانە ءتۇسىندىرۋ جۇمىستارىن اتقاردى. بولاشاقتا مۇنداي قيىندىقتارعا جول بەرمەۋ ءۇشىن سۋ ۇنەمدەۋ تەحنولوگيالارىنا بەلسەندىرەك كوشۋ قاجەت. وسى ماقساتتا ءبىز زاماناۋي سۋارۋ جۇيەلەرىن ەنگىزۋدى سۋبسيديالاۋ شارتتارىن جەتىلدىردىك», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
سونداي-اق مينيستر نۇرجان نۇرجىگىتوۆ جەتىساي جانە ماقتاارال اۋداندارىنا سۋ جەتكىزەتىن «دوستىق» مەملەكەتارالىق كانالىنىڭ جۇمىسىمەن جانە جاعدايىمەن تانىستى.
بۇگىندە وڭىردە ەگىستىك القاپتارىن سۋارۋعا شامامەن 3,3 ملرد تەكشە مەتر سۋ الىنعان. «قازسۋشار» رمك تۇركىستان فيليالى شارۋا قوجالىقتارىمەن 297 مىڭ گەكتار ەگىستىك جەردى سۋارۋعا 9 724 كەلىسىمشارت جاساسقان. ونىڭ 133,7 مىڭ گەكتارى ماقتا.
قازىرگى تاڭدا ماقتا القاپتارىن سۋارۋ تولىق اياقتالدى. 10 قىركۇيەككە دەيىن فيليال كۇرىش القاپتارىن سۋارۋدى دا تولىق اياقتاۋدى جوسپارلاپ وتىر
قازىرگى تاڭدا ماقتا القاپتارىن سۋارۋ تولىق اياقتالدى. 10 قىركۇيەككە دەيىن فيليال كۇرىش القاپتارىن سۋارۋدى دا تولىق اياقتاۋدى جوسپارلاپ وتىر
