ت. سۇلەيمەنوۆ تۇسىندىرگەندەي, بۇل بانكنوتتار بىردەن جارامسىز بولىپ قالمايدى. ونىڭ ايتۋىنشا, پاراللەلدى اينالىمنىڭ ستاندارتتى مەرزىمى ادەتتە 1-2 جىلدى قۇرايدى.
«مۇندا الاڭداۋعا ەش نەگىز جوق. بۇل كۋپيۋرالار اينالىمنان بىردەن الىنىپ تاستالمايدى, ولار بىرتىندەپ, جوسپار بويىنشا اينالىمنان شىعادى. بانكتەر جەكە جانە زاڭدى تۇلعالاردان ەسكى بانكنوتتاردى قابىلداپ, ۇلتتىق بانكتىڭ ساقتاۋ قويماسىنا وتكىزەدى. ءتىپتى ءبىر جىلدان, ەكى جىلدان نەمەسە ءۇش جىلدان كەيىن دە كىمدە ەسكى 5000 تەڭگە قالسا, ۇلتتىق بانكتىڭ وبلىستىق فيليالىندا ولاردى سول نومينالعا ايىرباستاۋعا بولادى. ءبىز ەسكى اقشانى الىپ, ورنىنا جاڭاسىن بەرەمىز. بۇل جەردە ەشقانداي قيىندىق جوق», دەدى ول.
ايتا كەتەيىك, 2024 جىلعى 11 قاراشادا ۇلتتىق بانك 2011 جىلعى ۇلگىدەگى (ەسكى) جانە 2023 جىلعى وزگەرتىلگەن ديزاينداعى (جاڭا) 5000 تەڭگەلىك بانكنوتتاردىڭ پاراللەلدى اينالىم مەرزىمىن 2025 جىلعى 24 قىركۇيەككە دەيىن ۇزارتقان بولاتىن.
