اتىراۋدا بۇرىنعى لاۋازىم يەلەرىنىڭ شاعىمىن قاراۋ جالعاسىپ جاتىر

اتىراۋ. 18 اقپان. اتىراۋ وبلىستىق سوتىنىڭ قىلمىستىق ىستەر جونىندەگى اپەللياتسيالىق سوت القاسى اتىراۋ وبلىسى اكىمدىگىنىڭ بۇرىنعى لاۋازىمدى تۇلعالارى مەن جەكە كاسىپكەرلەرگە قاتىستى شىعارىلعان سوت ۇكىمىمەن كەلىسپەي بەرلىگەن بارلىق اپەللياتسيالىق شاعىمدار مەن نارازىلىقتى قاراۋدى ودان ءارى جالعاستىرۋدا. بۇل تۋرالى وبلىستىق سوتتىڭ ءباسپاسوز قىزمەتى حابارلادى. «بيىلعى 2-16 اقپان ارالىعىندا وتكەن سوت وتىرىستارىندا جەكەلەگەن قورعاۋشىلاردىڭ سوت ماجىلىسىنە قوسىمشا كۋالاردى جاۋاپتاپ, كەيبىر زاڭدى تۇلعالاردىڭ قۇرىلتايشىلارى تۋرالى مالىمەتتەر سۇراۋ جونىندەگى وتىنىشتەرى سوتپەن قاناعاتتاندىرىلدى. ال كەشە سوت اپللياتسيالىق شاعىمدار مەن نارازىلىقتىڭ دالەلدەمەلەرىن تىڭداۋعا كىرىستى», دەپ ءمالىم ەتتى اتىراۋ وبلىستىق سوتىنىڭ ءباسپاسوز حاتشىسى بورانباي عاليەۆ. سوت ءماجىلىسى سوتتالعاندار مەن ولاردىڭ قورعاۋشىلارى جانە جابىرلەنۋشىلەردىڭ قاتىسۋىمەن وتكىزىلۋدە. جولداسبەك شوپەعۇل. دەرەك: اتىراۋ وبلىستىق سوتىنىڭ ءباسپاسوز قىزمەتى. سۋرەت: راحىم قويلىباەۆ.