فوتو: South China Morning Post
Chinese Journal of Space Science جۋرنالىنىڭ دەرەكتەرىنە سايكەس, جاڭا تەحنولوگيا «تيانگۋن» وربيتالىق ستانتسياسىنا جانە بولاشاق اي بازالارىنا جەتكىزىلەتىن كيىم كولەمىن 60%-دان استام قىسقارتۋعا مۇمكىندىك بەرەدى. مىسالى, ءۇش ادامنان تۇراتىن ەكيپاج ءۇشىن 15 جىلدىق ميسسيادا بۇل 3,3 توننادان استام كيىم ۇنەمدەۋگە تەڭ.
بۇعان دەيىن عارىشكەرلەردە وربيتادا كيىم جۋ مۇمكىندىگى بولماعان. ولار كيىمدى جاعىمسىز ءيىس شىققانشا كيە بەرەتىن, كەيىن پايدالانىلعان زاتتار ارنايى جۇك كاپسۋلالارىنا سالىنىپ, جەر اتموسفەراسىنا كىرگەندە جويىلىپ وتىرعان.
زەرتتەۋ اۆتورلارىنىڭ ايتۋىنشا, الداعى ۋاقىتتا اي مەن مارسقا ۇزاق مەرزىمدى ميسسيالاردى جۇزەگە اسىرۋدا عارىشتا كىر جۋ تەحنولوگياسىنىڭ بولۋى جەردەن جەتكىزىلەتىن جۇكتىڭ ازايۋىنا ايرىقشا ىقپال ەتەدى.
جاڭا قۇرىلعى كەمىندە بەس جىلعا ەسەپتەلگەن. ول ميكروگراۆيتاتسيا جاعدايىن ەسكەرىپ جاسالعان, حيميكات قولدانباي ماتانى زارارسىزداندىرادى ءارى ىلعال مەن گازدىڭ سىرتقا شىعۋىن بولدىرمايدى. كەلەسى كەزەڭدە عالىمدار تولىققاندى جۇمىس ىستەيتىن پروتوتيپ جاساپ, قۇرىلعىنىڭ تيىمدىلىگىن ارتتىرۋدى جوسپارلاپ وتىر.
