اتىراۋ وبلىسىندا تىگىنشى كاسىبىن قايتا جاڭعىرتتى

اتىراۋ. 18 اقپان. اتىراۋ وبلىسىنىڭ ح.ەرعاليەۆ اۋىلىندا تۇراتىن بۇرىنعى تىگىنشى الماگۇل ساكۋپوۆا كاسىبىن قايتا جاڭعىرتۋعا مۇمكىندىك الدى. بۇل تۋرالى egemen.kz حابارلادى. بۇرىن ءوزى تۇراتىن اۋىلداعى تۇرمىستىق قىزمەت كورسەتۋ كومبيناتىندا جۇمىس جاساعان ەكەن. كومبينات عيماراتى جەكەشەلەندىرىلگەننەن كەيىن جۇمىسسىز قالۋىنا تۋرا كەلىپتى. كاسىبىن قايتا جاڭعىرتۋدى كوزدەگەن تاجىريبەلى تىگىنشى اۋىل شارۋاشىلىعىن قارجىلاي قولداۋ قورىنا جۇگىنىپ, 1,5 ميلليون تەڭگە نەسيە الۋعا ءوتىنىش بەرىپتى. قور باسشىلىعى اۋىلداعى تىگىنشىنىڭ تالپىنىسىنا قولداۋ كورسەتتى. وسىلايشا, 6 پايىزدىق وسىممەن قايتارىلاتىن نەسيەگە قول جەتكىزگەن الماگۇل ساكۋپوۆا باسپاناسىنىڭ ەكى بولمەسىنەن تىگىن شەبەرحاناسى مەن شاشتاراز سالونىن اشتى. قازىر تىگىنشىنىڭ «ءۇمىت» دەپ اتالاتىن تىگىن شەبەرحاناسىنا مەڭسۇلۋ جاروللينا, تىلەكشى ءابىلوۆا مەن نۇرجامال قادىروۆا تۇراقتى جۇمىسقا الىندى. ولار تاپسىرىسپەن قىز جاساۋىن, توسەنىش جانە جامىلعى كورپەلەر سەكىلدى كۇندەلىكتى تۇتىناتىن بۇيىمدار تىگۋدى باستادى. «اۋىلداستارىمىزدىڭ سۇرانىسىمەن كيىمدەردى تارىلتۋ, قىسقارتۋ, ايەلدەرگە ارنالعان كويلەكتەر تىگۋدى دە باستادىق. ەندى تەكەمەت باسۋدى قولعا الىپ, ۇلتتىق قولونەردى دامىتساق دەيمىز. مۇنداي ىستەرگە بالاللارىم دا بەيىم. ۇلدارىم شاش قيادى, قىزدارىم تىگىن تىگەدى», دەيدى ومىرلىك سەرىگى ەسەنعالي ناۋانوۆپەن بىرگە 8 بالاسىن تاربيەلەپ, «التىن القاعا» يە بولعان تىگىنشى الماگۇل ساكۋپوۆا. جولداسبەك شوپەعۇل. دەرەك, سۋرەت: «اتىراۋ» گازەتى.