فوتو: اشىق دەرەككوز
4,3 ملرد تەڭگە كولەمىندەگى قارجىلاندىرۋدىڭ نەگىزگى سوماسى 9 نىسانعا بولىنەتىن بولادى.
- 1,8 ملرد تەڭگە 1,7 مىڭنان استام تۇرعىنى بار قاراتوبە اۋدانىنىڭ تولەن, ساۋلە جانە قاراقامىس ەلدى مەكەندەرىنە جاڭا تارماق سالۋ ارقىلى سۋمەن جابدىقتاۋدىڭ ماگيسترالدى جۇيەلەرىن سالۋعا;
- 2,5 ملرد تەڭگە تەرەكتى, قاراتوبە اۋداندارىنىڭ 8 اۋىلىندا, سونداي-اق بايتەرەك اۋدانىندا سۋمەن جابدىقتاۋ جەلىلەرىن سالۋعا باعىتتالدى.
سونىمەن قاتار بۇعان دەيىن بايتەرەك اۋدانىنىڭ كيرسانوۆ اۋىلىن سۋمەن قامتۋعا جانە جانىبەك اۋدانىنداعى ۋردين توپتىق سۋ قۇبىرىن قايتا قۇرۋعا 1,2 ملرد تەڭگە بولىنگەن بولاتىن. قازىرگى تاڭدا بۇل جوبالاردىڭ 60%-ى ورىندالعان.
اتالعان شارالار مەملەكەت باسشىسىنىڭ حالىقتى ساپالى اۋىز سۋمەن تولىق قامتاماسىز ەتۋ جونىندەگى تاپسىرماسىن ورىنداۋعا باعىتتالعان. ونەركاسىپ جانە قۇرىلىس مينيسترلىگىنىڭ دەرەكتەرىنە سايكەس, باتىس قازاقستان وبلىسىندا قازىر سۋمەن قامتۋ دەڭگەيى قالالاردا – 100%, اۋىلدىق ەلدى مەكەندەردە – 97% بولىپ وتىر.
بۇگىنگى كۇنى ارناۋلى مەملەكەتتىك قور ەسەبىنەن 400-دەن استام الەۋمەتتىك ماڭىزى بار نىساننىڭ قۇرىلىسىنا 375 ملرد تەڭگە بولىنگەن. ولاردىڭ قاتارىندا مەكتەپتەر, اۋرۋحانالار, سپورت كەشەندەرى, سۋمەن جابدىقتاۋ ينفراقۇرىلىمى جانە باسقا دا نىساندار بار. سونىڭ ىشىندە 44 نىسان تولىق اياقتالىپ, پايدالانۋعا بەرىلگەن.
