سولتۇستىك قازاقستاندا گرەك-ريم كۇرەسىنەن ەل چەمپيوناتى ءوتتى

پەتروپاۆل. 23 ماۋسىم. ەلىمىزدىڭ 14 وبلىسى مەن ەكى قالاسىنان قىزىلجار وڭىرىنەن كەلگەن 200 ءجاسوسپىرىم بالۋان گرەك-ريم كۇرەسىنەن بەلدەسىپ, الەم چەمپيوناتىنىڭ جولدامالارىن ساراپقا سالدى. بۇل تۋرالى وبلىستىق دەنەشىنىقتىرۋ جانە سپورت باسقارماسىنىڭ ماماندارى حابارلادى. قازاقستان چەمپيوناتىندا 20 جاسقا دەيىنگى بالۋاندار 8 سالماق دارەجەسى بويىنشا كۇرەستى. جارىس شىمىلدىعىن ءبىرىنشى بولىپ پەتروپاۆلدىق ستۋدەنت امانبول بەكبولاتوۆ اشتى. ول ءتورت قارسىلاسىن ايقىن باسىمدىقپەن جەڭىپ, فينالدا اقتوبەلىك مەيرامبەك نادىرباەۆپەن كەزدەستى.  ونى 45 سەكۋندتا 8:0 ەسەبىمەن ۇتىپ, 50 كيلو سالماقتا جەڭىستىڭ ەڭ بيىك تۇعىرىنا كوتەرىلدى. قالعان سالماقتار بويىنشا ەرنار فەيداحمەتوۆ (55 كگ.., شقو), ايدوس سۇلتانعاليەۆ (60كگ., قىزىلوردا), سامات ءالجاپاروۆ (66 كگ.,الماتى وبلىسى), جاسۇلان ماراتوۆ (74 كگ.,اقتوبە), اگيت سۇلەيمەنوۆ (84 كگ., وقو),.ءانۋار نيازوۆ (96 كگ., الماتى وبلىسى),  دانيار مارۆەن (120 كگ., الماتى قالاسى). ءوز سالماق دارەجەلەرى بويىنشا جەڭىمپاز اتانعان بالۋاندار تامىز ايىندا برازيليادا وتەتىن الەم چەمپيوناتىندا ەل نامىسىن قورعايتىن بولادى. ءومىر ەسقالي. دەرەك: سولتۇستىك قازاقستان وبلىستىق دەنەشىنىقتىرۋ جانە سپورت باسقارماسى. سۋرەت: egemen.kz