اۋەجايدىڭ ءباسپاسوز قىزمەتىنىڭ باسشىسى ايناگۇل ساقپوسىنوۆانىڭ ايتۋىنشا, رەيستەر اپتاسىنا ەكى رەت, سەيسەنبى جانە جۇما كۇندەرى قاتىنايدى.
ەلىمىزدىڭ باتىسىن ورتالىق قازاقستانمەن بايلانىستىراتىن رەيستە بيلەت قۇنى مەملەكەت تاراپىنان جاردەمقارجى ءبولىنىپ, 25 مىڭ تەڭگە بولادى دەپ بەلگىلەنگەن ەكەن. جولاۋشىلارعا Scat اۋەكومپانياسى 50 ورىندىق Bombardier CRJ-200 ۇشاقتارىمەن قىزمەت كورسەتپەك.
«جاڭا رەيستەر باتىس جانە ورتالىق قازاقستان اراسىنداعى اۋە قاتىناسىنىڭ مۇمكىندىكتەرىن ەداۋىر كەڭەيتۋگە, جولاۋشىلاردىڭ ىڭعايلىلىعىن جانە وڭىرلەر اراسىنداعى ىسكەرلىك, تۋريستىك جانە مادەني بايلانىستاردى قولداۋدى قامتاماسىز ەتۋگە مۇمكىندىك بەرەدى. بيلەتتەر اۋەكومپانيانىڭ سايتىندا جانە اۋەبيلەتتەردى ساتاتىن ونلاين سەرۆيستەردە ساتىلادى», دەلىنگەن اۋەجاي ءباسپاسوز قىزمەتى تاراتقان حابارلامادا.
