نەگە بۇلاي؟ ابىلقاسىموۆا تۇسىندىرگەندەي, قازىر دۇكەندەردە تاۋاردىڭ ءبارىن ءبولىپ تولەۋگە الۋعا بولادى. بىراق تاۋار قۇنىن بىردەن تولەيتىندەر كوبىنە ارتىق شىعىنعا ءتۇسىپ جاتادى.
«نەگىزىندە بۇكىل تاۋارلار ءبولىپ تولەۋمەن ساتىلاتىندىقتان, بىردەن تولەيتىن ساتىپ الۋشى ءۇشىن تاۋاردىڭ باعاسى ءجۇز پايىزدى قۇرايدى. ول ءۇشىن باعا ءىس جۇزىندە قىمباتتاپ وتىر. سوندىقتان ەكى باعا بولۋى كەرەك», دەيدى ول.
ونىڭ ايتۋىنشا, ءبولىپ تولەۋ بانك ارقىلى راسىمدەلەتىندىكتەن, ول نەسيە ساناتىنا جاتادى. ياعني, ساتىپ الۋشى تاۋاردى بىردەن العانداعى باعا مەن ءبولىپ تولەۋدەگى قوسىمشا ۇستەمەنى انىق بىلۋگە ءتيىس.
«ەگەر ول تاۋاردى بىردەن السا – ءبىر باعا, ال ءبولىپ تولەۋمەن السا, وعان قوسىمشا قانشا ۇستەمە قوسىلعانىن ءبىلۋى ءتيىس. ءدال سول سياقتى, نەسيە العاندا دا ول ءوزىنىڭ پايىزدىق مولشەرلەمەسىن جانە جالپى ارتىق تولەمىن ناقتى سومامەن بىلەدى», دەپ ءتۇسىندىردى اگەنتتىك باسشىسى.
قازىر قارجى نارىعىن رەتتەۋ اگەنتتىگى باسقا مەملەكەتتىك ورگاندارمەن بىرگە وسى ديففەرەنتسيالدى باعا جۇيەسىن ەنگىزۋ بويىنشا جۇمىس ىستەپ جاتىر. بۇل قادام, بىرىنشىدەن, تۇتىنۋشىنى دۇرىس اقپاراتتاندىرۋعا, ەكىنشىدەن, جاسىرىن ۇستەمەلەردى بولدىرماۋعا كومەكتەسپەك.
