«قازاق-قىتاي قاتىناستارى عاسىرلاردان بەرى سەنىمگە نەگىزدەلىپ كەلەدى. بۇل – ءبىزدىڭ مەملەكەتارالىق بايلانىستارىمىزدىڭ مىزعىماس تۇعىرى», – دەدى مەملەكەت باسشىسى.
ونىڭ ايتۋىنشا, ءوزارا سەنىمسىز ەشقانداي ستراتەگيالىق سەرىكتەستىك ۇزاققا بارمايدى.
پرەزيدەنت ەكى ەل اراسىنداعى تاريحي تاعدىرلاستىق پەن مادەني جاقىندىق سەرىكتەستىكتى نىعايتىپ وتىرعانىن اتاپ ءوتتى. «قازاقستان مەن قىتاي – ۇلى جىبەك جولى زامانىنان تاعدىرلاس ەلدەر. حالىقتارىمىزدى ورتاق تاريح, ورتاق ءداستۇر جانە ءوزارا قۇرمەت بىرىكتىرىپ كەلەدى», – دەپ جازدى توقاەۆ.
سونداي-اق ول ساياسي ديالوگتىڭ قارقىنى سەرىكتەستىكتىڭ تۇراقتىلىعىن قامتاماسىز ەتەتىنىن ايتتى.
«جوعارى دەڭگەيدەگى ساپارلار مەن بەلسەندى ساياسي ديالوگ ماڭگىلىك ءارى جان-جاقتى ستراتەگيالىق سەرىكتەستىك رۋحىن كۇشەيتە تۇسەدى», – دەپ مالىمدەدى پرەزيدەنت.
توقاەۆتىڭ پىكىرىنشە, قازىرگى الەمدەگى كۇردەلى جاعدايدا قازاقستان مەن قىتايدىڭ ءوزارا ىقپالداستىعى حالىقارالىق قاتىناستاردا تۇراقتىلىق فاكتورى بولىپ وتىر.
ء«بىزدىڭ بەرىك بايلانىستارىمىز جاھاندىق سىن-قاتەرلەر جاعدايىندا دا سەرىكتەستىكتىڭ قانشالىقتى مىقتى ەكەنىن كورسەتىپ وتىر», – دەدى ول.
پرەزيدەنت قازاقستان مەن قىتايدىڭ جاڭا تاريحي كەزەڭنىڭ توعىسىندا تۇرعانىن دا اتاپ ءوتتى.
ء«بىز ورتاق ماقساتتارىمىزعا سۇيەنە وتىرىپ, بىرگە ارەكەت ەتەمىز. وسى ارقىلى كەز كەلگەن زاماناۋي سىن-قاتەردى ەڭسەرىپ, وركەندەۋدىڭ جاڭا كەزەڭىنە جول اشا الامىز», – دەپ تۇيىندەدى توقاەۆ.
