«جاھاندى جايلاعان ەكونوميكالىق سىن-قاتەرلەرگە قاراماستان ەلدەرىمىزدىڭ ساۋدا-ەكونوميكالىق بايلانىستارى ايتارلىقتاي دامىپ كەلەدى. 2024 جىلى ەكىجاقتى ساۋدا-ساتتىق كولەمى 44 ميلليارد دوللارعا جەتتى. بۇل – تاريحي مەجە», – دەدى مەملەكەت باسشىسى.
پرەزيدەنتتىڭ ايتۋىنشا, قىتاي قازىردىڭ وزىندە قازاقستاننىڭ ەڭ ءىرى ساۋدا سەرىكتەسى مارتەبەسىن بەكىتە ءتۇستى.
«وسىلايشا, قىتاي قازاقستاننىڭ ەڭ ءىرى ساۋدا-ەكونوميكالىق سەرىكتەسى رەتىندە پوزيتسياسىن كۇشەيتتى», – دەپ اتاپ ءوتتى ول.
توقاەۆ ەكى ەل اراسىنداعى ساۋدانىڭ اۋقىمىن كەڭەيتۋ كولىك-لوگيستيكا, مۇناي-گاز, اۋىل شارۋاشىلىعى جانە جوعارى تەحنولوگيالار سالاسىنداعى ىنتىماقتاستىققا سەرپىن بەرىپ وتىرعانىن ايتتى.
«ساۋدا بايلانىستارىنىڭ قارقىندى دامۋى جاڭا جوبالاردى جۇزەگە اسىرۋعا مۇمكىندىك بەرەدى. ءبىز قىتايمەن سەرىكتەستىكتى بارلىق سالادا كەڭەيتۋگە دايىنبىز», – دەپ جازدى پرەزيدەنت.
