شاشتان تىگىلگەن ىشىك

ءسات سايىن قۇبىلاتىن ءسان يندۋس­ترياسىندا ادام شاشىنىڭ ماتەريال رەتىندە پايدالانىلا باستاۋى بەرتىندە عانا بەلەڭ العان بولاتىن. شاشىلىپ جاتاتىن شاش بىتكەندى الدىمەن كادەگە جاراتقان اعىلشىندار ەدى. قايبىر جىلدارى «Arla» كومپانياسى ەر ادامنىڭ ءتوس جۇنىنەن ىشىك تىگىپ, ونى 4 مىڭ اقش دوللارىنا ءساتتى ساۋدالاعان-تىن. ودان سوڭ, 2010 جىلى ۆەتنامدىق ديزاينەرلەر 1 ميلليون مەتر ادام شاشىنان كويلەك قۇراپ شىعىپ, ايدى اسپانعا تاعى ءبىر مارتە شىعارعانى بار. مىنە, وسىنداي تاجىريبەلەردىڭ ءىزىن الا ءبىزدىڭ سانگەرلەر دە بىلەك سىبانا ىسكە كىرىسىپ, جۋىردا ادام شاشىنان ىشىك تىگىپ شىعارامىز,  دەپ جاھانعا جار سالدى. ريزا سالتاۋباەۆانىڭ اتەلەسى اس­تا­ناداعى ءسان سالوندارىنىڭ بىرىنە سارعىلت جانە قارا ءتۇستى شاش جيناپ بەرۋگە تاپسىرىس ءتۇسىرىپتى. ءدال وسىلاي دەپ «ەكسپرەسس ك» باسىلىمى جازادى. قاجەتتى مولشەردەگى شاش جينالعان سوڭ, ريزا دەرەۋ ىسكە كىرىسەدى. ول شاشتان تىگىلگەن ىشىكتى ينتەرنەتتەگى «Ebay» اۋكتسيونى ارقىلى ساتىلىمعا شىعارعالى وتىرعانىن دا مالىمدەپتى. جانە جاڭا تون ءۇشىن 3 مىڭ اقش دوللارىنان كەم اقشا سۇرامايتىنىن تاعى جەتكىزگەن. جۋىردا الماتىلىق ءبىر شاشتاراز الەۋمەتتىك جەلىلەردىڭ بىرىندەگى جەكە پاراقشاسىندا اسقان ىجداھاتتىلىقپەن تىگىلگەن دايىن ىشىكتىڭ سۋرەتىن جاريالادى. ال مۇنداي باتىل ويدىڭ باسى-قاسىندا جۇرگەن الماتىلىق تابيعات قورعاۋشىلاردىڭ ايتۋىنشا, وسى شا­را ارقىلى باعالى ىشىككە بولا جان-جانۋارلاردى اياۋسىز قىراتىن جۇرتشى­لىقتىڭ نازارىن تاعى ءبىر مارتە اۋدارتۋعا مۇمكىندىك الدىق دەيدى. ەگەر وسى وي ءساتتى جۇزەگە اسسا, وندا شاشتان تىگىلگەن ىشىك قازاقستاندا سانگە اينالىپ, شاشتارازدار شاش ساتۋ بيزنەسىنە شىنداپ كىرىسەتىندەي مە, قالاي؟! امانگەلدى قياس, «ەگەمەن قازاقستان».