قاراعاندى اكادەميالىق مۋزىكالىق كومەديا تەاترى «استانا وپەرانىڭ» تۇراقتى مەيماندارىنىڭ قاتارىندا ەكەنىن ايتا كەتكەن ءجون. وپەرەتتا مەن مۋزىكالىق كومەديا داستۇرلەرىن ۇقىپتى ساقتاپ كەلە جاتقان قاراعاندىلىق ۇجىمنىڭ ەلوردالىق تەاتردىڭ ۇلكەن زال ساحناسىندا وسىمەن بەسىنشى گاسترول اياسىندا ونەر كورسەتۋى – وسى ءسوزىمىزدىڭ ايقىن دالەلى.
گاسترولدىك باعدارلاما وپەرەتتا ارتىستەرى مەن سيمفونيالىق وركەستردىڭ جانە بالەت ترۋپپاسىنىڭ ورىنداۋىنداعى اۋقىمدى گالا-كونتسەرتپەن اشىلدى. ءتۇرلى كۇندەرى كورەرمەندەردىڭ نازارىنا ي.شتراۋستىڭ تانىمال «سىعان بارونى», ي.كالماننىڭ «بايادەرا» وپەرەتتالارى, سونداي-اق ر.فەررەيننىڭ «نەكوتورىە ليۋبيات پوگورياچەە» اڭگىمەسىنىڭ جەلىسى بويىنشا جازىلعان دج.ستايننىڭ «دجازدا تەك قانا قىزدار» اتتى كۇلكىلى ءارى ەكپىندى ميۋزيكلى ۇسىنىلدى.
ۇجىمنىڭ جاس كورەرمەن ءۇشىن دايىنداعان ي.پولياكوۆتىڭ «ەتىك كيگەن مىسىق», و.كليۋەۆتىڭ «سيقىرلى گۇل» جانە س.تسيريۋكتىڭ ليبرەتتوسىنا «التىن كىلت» مۋزىكالىق ەرتەگىلەرى جازعى دەمالىستا وقۋشىلار ءۇشىن ناعىز توسىنسىي بولدى.
