فوتو: ۆيدەودان الىنعان كادر
وپپوزيتسيالىق PRI پارتياسىنىڭ پرەزيدەنتى, سەناتور الەحاندرو مورەنو بيلەۋشى مورەنا پارتياسىنان سايلانعان سەنات توراعاسى حەراردو فەرناندەس نورونانىڭ قولىنان ۇستاپ, ارتىنشا جانجال تۋىنداعان.
مورەنو الەۋمەتتىك جەلىدە قاقتىعىستىڭ سەبەبىن ءتۇسىندىرىپ, بيلەۋشى پارتيا وپپوزيتسياعا ءسوز بەرمەۋ ءۇشىن كۇن ءتارتىبىن وزگەرتكەنىن ايتقان. ونىڭ سوزىنشە, الدىمەن نورونا ءوزى يتەرىپ, كۇش قولدانعان.
ال سەنات توراعاسى كەرىسىنشە وپپوزيتسيانى ايىپتاپ, مورەنو وعان ولتىرەمىن دەپ قوقان-لوقى جاساعانىن مالىمدەگەن. سونداي-اق ول مورەنو مەن توبەلەسكە قاتىسقان باسقا دا وپپوزيتسيا وكىلدەرىن سەناتتان شىعارۋ تۋرالى باستاما كوتەرەتىنىن جەتكىزگەن.
ەستەرىڭىزگە سالا كەتەيىك, بۇعان دەيىن سەربيادا دا وسىنداي جاعداي تىركەلگەن. حالىق سكۋپششيناسىنىڭ وتىرىسىندا وپپوزيتسيا دەپۋتاتتارى سەسسيانى بۇزباق بولىپ, توبەلەس ۇيىمداستىرىپ, پيروتەحنيكالىق قۇرالدار قولدانعان ەدى.
